Agtutubo a Babbai 1

Dagiti naadaw a sasao
ken panaglilinnawag
Panangidatag ti
mannursuro ken
panaglilinnawag
“4. Agbayad para kadagiti biddut a naaramid babaen ti—
“a. Panangikararag iti Apo iti panagbabawi.
“b. Panangipudno iti obispotayo . . . [no nadagsen ti basol].
“c. Idadawat iti pammakawan kadagiti nagbasolan.
“5. Ti kaunggan ti panagbabawitayo nasken a kas met ti kauneg ti basol a naaramidtayo.
Awan ti nalaka nga aramid. Nasakit, ngem makaugas met.
“6. Panawen ti sumaruno a kasapulan iti panagbabawi ken panangisubli iti innala.
“a. Panawen a panangipaneknektayo iti bagitayo, iti Apo, kadagiti padatayo a tao a
naikumittayon ti bagitayo iti baro a wagas ti biag.
“b. Panawen a panagadal kadagiti nasantuan a kasuratan ken panangidaton iti biagtayo
kadagiti bilin a maadaltayo a nasken a tungpalentayo tapno agragsak ken agrag-o.
“7. Naan-anay a pammakawan iti bagitayo ken pammakawan nga awan pammabalaw ti
rikna kadagiti nagbasol kadatayo.
“8. Kamaudiananna, ti kapatgan kadagiti amin a bendision: ti pammakawan ti Apo.
Saantayo a taliawen ti pannakaupay ken pannakapasakit, ngem iti masakbayan a
nanaigan iti namnama ken rag-o ken ayat iti Dios, iti bagi, ken iti sangkataw-an” (iti
Conference Report, Oct. 1976, p. 34; wenno Ensign, Nov. 1976, p. 26).
Agtultuloy nga Aramid ti Panagbabawi
Ilawlawag a nakaskasdaaw a sagut ti panagbabawi a makatulong kadatayo a dumur-as iti
daytoy a biag. Nasken a nainsiriban ti panangaramattayo iti daytoy a sagut. Basaen ti
sumaganad a naadaw a sao:
“Naited ti panagbabawi a kas maikadua a kapatgan a pagbatayan ti ebanghelio. . . .
“Makaaramidtayo amin iti biddut. No napudno ti panagbabawitayo, adda kalintegantayo
nga umasideg [iti Nailangitan nga Ama] a dumawat iti pammakawan, ngem laglagipentayo
nga awan ti kalintegantayo a maaddaan iti maituding a bilang ti biddut. Kanayon a
nasaysayaat a ditayo agaramid. Ken pudno a nasken a saantayo a tungngang wenno nasukir
a mangulit-ulit iti sigud a biddut. Makasursurotayo koma kadagiti bidduttayo. Saan nga
umdas a kas iti kasayaattayo idi kalman ti kasayaattayo ita. Nasken a nasaysayaattayo....
Ngem maysa kadagiti kadaksan a doktrina a suroten ti asino man ti panagkunana a gapu ta
nagbiddut ti maysa a tao, awan ti aniamanna no mangaramid iti maysa wenno ad-adu pay.
Kasayaatan a panagbabawi ita, sakbay ti inton no kua” (Richard L. Evans, iti Conference
Report, Oct. 1969, p. 68; wenno Improvement Era, Dec. 1969, pp. 74, 76).
Tulongan dagiti agtutubo a babbai a mangamiris a saan laeng nga agpaay ti panagbabawi
kadagiti nakaaramid iti nadagsen a basol, ngem addang daytoy iti panagbalin a nasaysayaat a
tao. Nasken nga aramatentayo ti pagbatayan ti panagbabawi iti inaldaw iti unos ti
panagbiagtayo.
Makatulong ti sumaganad a naadaw a sao a mangilawlawag iti agtultuloy nga addang iti
panagbabawi:
“Ti panagbabawi saan a maisina iti panagdakkel, ta iti amin a panagdakkel agtultuloy ti
pannakidanggay, a mapaspasamak a matallikudan. Saantayo a masukatan ti dakes a biag
iti nasayaat babaen ti maymaysa a balikas wenno tignay; nasken nga adda agtultuloy nga
addang a pangsukat iti biddut ken dakes nga aramid iti kinapudno ken nasayaat nga
aramid; iti panagbalin a nasayaat manipud iti dakes ken nasaysayaat manipud iti nasayaat.
“No pagsasaritaantayo ti pannakasapul iti agtultuloy a panagbabawi saantayo koma a
pagbiddutan ti agsasaruno a panagbasol ken panagbabawi ken panagbasol manen. Saan a
naan-anay a panagbabawi dayta. Nasken a kitaentayo ti umno ken surotentayo, lasinentayo
ti biddut ket lipatentayo daytoy iti ‘Nadiosan a panagladingit’ no gun-odentayo ti bendision
ti naan-anay a panagbabawi” (Hugh B. Brown, Eternal Quest, comp. Charles Manley Brown
[Salt Lake City: Bookcraft, 1956], pp. 99, 102).
Ilawlawag a bayat ti idudur-astayo a naespirituan, maamiristayo a biddut dagiti banag a
kasla nasayaat amin idi. Ti idudur-as a naespirituan tumulong iti tao a mangparmek
kadagitoy baro a nabigbig a pagkapsutan. Daytoy ti idudur-as. Iti tunggal aldaw a
pannakaadaltayo kadagiti banag a nasken a liklikan, manayonan ti ammotayo ket dumurastayo
iti sabali nga agpang iti idudur-as. Ipaganetget nga agtultuloy nga aramid ti
103