Agtutubo a Babbai 1

Panangidatag ti
mannursuro
194
• Kasano ti pananglikliktayo a mangtagtagibassit iti bagitayo?
No marigatan dagiti agtutubo a babbai a mangsungbat iti daytoy a saludsod, papanunot
kadakuada daytoy iti apagbiit. Linaon ti nabati a paset daytoy nga adalen dagiti singasing
a mangtulong kadakuada a mangsungbat iti daytoy.
Ti Galadtayo Maipanggep iti Bagitayo Makatulong Kadatayo nga Agballigi
Ilawlawag a saantayo nga addaan amin iti agpapada a talento, abilidad, wenno
naitalimeng a kabaelan, ngem adda naipangruna a mabalin nga aramiden ti tunggal
maysa kadatayo. Nasken a sapulentayo ti bukodtayo a naipangruna a gupit ket
pasantakentayo ida. Kasapulantayo ti naan-anay a panagtalek iti bagitayo a kabaelantayo
a pasantaken. Mabalintayo a rugian babaen ti panangpanunot a mabalintayo ti agballigi.
Naadaw a sao “Dakkel ti maitulong ti pampanunot no kasano ti panagbiagtayo, no nasarantatayo wenno
naliday, no naragsaktayo nga agballigi wenno mapadastayo ti agtataruptop a pannakapaay,
no naespirituan ti ragsaktayo wenno agsagabatayo iti kaawanna kadatayo, ket kaaduanna,
mamatiak, no natallugodtayo wenno nasukir kadagiti paglintegan ti Dios. Adda dagiti
kabaruanan nga agad-adal iti galad ti nangilawlawag a ti pannagna ti panunot ti tao awan
dumana iti pannakapaandar ti kompiuter no maipanggep iti siririing ken awan puotna a
panunot. Ti isubotayo iti dayta a pannagna dakkel ti kaipapananna iti ibubosna maipapan
iti galad, rikna, ken tignay” (Dean L. Larsen, “Thoughts about Thoughts,” Speeches of the
Year, 1976 [Provo: Brigham Young University Press, 1977], p. 116).
• Kasano a maigidiat ti biagyo no ammoyo a pilien dagiti nasayaat a pampanunot
maipanggep iti bagiyo iti napaut?
• Kasano nga iseksektayo dagiti nasayaat a pampanunot iti makaammo a nakemtayo?
Sukisoken dagiti mabalin a wagas, kas pagarigan, pannakisao iti nasayaat iti bagi,
panangparegta iti bagi kadagiti nasayaat a singasing a kas iti “Kabaelam nga aramiden!”
Ipakita dagiti sumaganad nga amirisen a kasasaad no kasano nga aringan ti
pampanunottayo ti kabaelantayo na agballigi.
Umuna nga Amirisen a Kasasaad
Agdardaras ti nanang ni Cindy a mangrabii iti maika-6:00 iti rabii gapu ta adda mitingna
iti maika-7:30 iti rabii. Pampanunoten ni Cindy ti inyawidna a paar-aramidda iti eskuela
iti sumuno nga aldaw bayat ti panagidasarna. Immawag ni nanangna iti kusina,
“Alistuam, Cindy, nakabumbuntogka.” Sumagmamanon a daras a naibaga ken ni Cindy ti
maipanggep iti kinabuntogna ket mangrugin a mamati. “Panagkunak nabuntogak nga
agpayso,” napanunotna.
Panaglilinnawag • Kasano a mabaliwan ni Cindy iti nasaysayaat ti madi a sungbatna?
Maika-2 nga Amirisen a Kasasaad
Rinugian ni Sue ti agadal iti panagbiolin iti kaarrubada a mannursuro. Impapanna a saan
a nasayaat ti panagiggemna iti udaod ken ti biolin ket imbagana iti mannursuro a
patienna a di makasursuro. Impanamnama kenkuana ti mannursuro a babaen ti
panagsanay makasursuronto met laeng. Ngem impapan ni Sue a dinto pulos
makasursuro, isu nga insardengnan a namimpinsan ti nagsanay idi agangay.
Panaglilinnawag • Ania ti tignay ti maestra ni Sue idi nagparang ni Sue iti sumuno a panagadalna?
• Paneknekan kadi daytoy a tignay ti panangipapan ni Sue a saanto a pulos a
makasursuro nga agtokar?
• Ania ti pudno a parikut ni Sue—kurang ti ammona iti musika, wenno ti madi a galadna
maipanggep iti bagina?
• Ania a wagas ti nangedngan ni Sue iti bagina iti pagbanagan ti panagadalna iti biolin?
Maika-3 nga Amirisen a Kasasaad
Agkarkarabii ni Becky nga agtrabaho iti panangiwakasna iti bitla nga isagsagana a para iti
eskuela. Idi imbasana iti inana iti kabigatanna sakbay a napan iti eskuela kinunana,
“Panagkunak, napintas dayta bitlak, di ngamin?” Insungbat ni nanangna a pudno a
napintas a bitla gapu ta nagbannoganna nga insagana.