Agtutubo a Babbai 1

Panangidatag ti
mannursuro
Dagiti pangrisut
ti nasantuan a
kasuratan
Panangilawlawag
ti mannursuro
Panangidatag ti
mannursuro
Adalen 27
pannakaipatarusna. Kalpasan daytoy rinugiak dagiti linaonna tunggal benneg.
Nagmalem a nagbasaak; taktak laeng ti pannangan, awan ti essemko iti taraon; taktak ti
pannaturog idi dumteng ti rabii, ta kinaykayatko ti agbasa ngem ti maturog.
“Bayat ti panagbasak, sinallukobannak ti espiritu ti Apo, ket naammuan ken naawatak a
pudno ti libro, a kas iti kalawag ken pannakaammo ti tao a sibibiag. Nalaus ti ragsakko, a
rumbeng, ket naan-anay ti rag-ok iti nalablabes pay a bayad kadagiti amin a leddaang,
panagsakripisio ken dagensen iti biagko” (Autobiography of Parley P. Pratt [Salt Lake City:
Deseret Book Co., 1938], p. 37).
Ilawlawag a bukod a paltiing dagiti nasantuan a kasuratan kadagiti propeta ket iti
panagbasatayo kadagiti nasantuan a kasuratan mabalinda ti agbalin a bukod a paltiing
kadatayo. No mapasamak daytoy mariknatayo ti ragsak iti kaunggantayo kadagiti
nasantuan a kasuratan.
Pabunoten ti tunggal agtutubo a babai iti maysa wenno ad-adu a kard ti nasantuan a
kasuratan manipud iti pagikkan. Iwanwan dagiti agtutubo a babbai a mangsapul iti
nasantuan a kasuratan a makita iti kard ket basaenda a siuulimek. Padengngeg iti tunggal
agtutubo a babai bayat ti panangbasayo kadagiti sumaganad a kasasaad sa ikeddeng no
adda idiaya ti nasantuan a kasuratan nga adda kenkuana a pangrisut iti parikut. Basaen
iti napigsa ti agtutubo a babai wenno dagiti agtutubo a babbai ti nasantuan a kasuratan a
yan ti nasantuan a kasuratan nga addaan iti mainugot a pangrisut.
Nakalatlatak ni Jodi iti eskuela. Gayyem ni Susan ni Jodi, ngem agimon ken ni Jodi.
Nagiwaras ni Susan iti saosao a makadadael iti kinatao ni Jodi. Ania ti rumbeng nga
aramiden ni Jodi? (Kitaen ti Mateo 18:15.)
Mariribukan unay ni Maria iti magapuananna iti eskuela. Kayatna nga ipan ti amin a
kabaelanna. Mariknana a kasapulanna ti tulong, ngem dina ammo no asino ti asitganna
wenno no sadino ti pakasapulanna iti tulong a kasapulanna. Ania ti rumbeng nga
aramidenna? (Kitaen ti 2 Nephi 32:9.)
Napukaw itay nabiit ni Becky ti nasinged a kameng ti kaamaanna. Kellaat ti
pannakapukawna ket nalapunos iti leddaang. Sadino ti pakasarakanna iti gin-awa ken
liwliwa? (Kitaen ti Doktrina ken Katulagan 121:7–8.)
Dua a misionario ti nagsardeng iti balay da Tania ket pinastrekda ida. Bayat ti
panaglilinnawagda, naaddaan ni Tania iti napigsa a tarigagay a mangammo no pudno ti
sasawenda. Ania ti maaramidna? (Kitaen ti Santiago 1:5–6.)
• Adda kadi nakapadasen kadakayo a nakasarak iti pangiwanwan manipud kadagiti
nasantuan a kasuratan?
Ikkan ti panawen dagiti agtutubo a babbai a mangibaga kadagiti padasda ken
mangilawlawag no kasano a natulongan ida dagiti nasantuan a kasuratan. No adda
pagariganyo iti biagyo, ibinglayyo iti klase.
Isingasing a yulo dagiti agtutubo a babbai dagiti binatog nga adda naisangsangayan a
kaipapananna kadakuada. Ibaga nga adda itan Topical Guide ti Biblia nga edision ti Santo
iti Ud-udina nga Aldaw a mangpadaras iti panangsapul iti kayat a pagibasaran a
kasapulantayo wenno nayon dagiti nasantuan a kasuratan iti basaen a kayattayo. Ipakita
iti klase ti Topical Guide ket palubosan ida a mangsapul iti nasantuan a kasuratan iti
babaen ti maysa kadagiti paulo tapno mairuamda no kasano ti panangaramat iti daytoy a
katulongan.
Ilawlawag a mabalintayo a basaen ken adalen dagiti nasantuan a kasuratan iti wagas a
dakdakkel ti kaipapananna ken ad-adda a makaparagsak kadatayo. Ti agtutubo a babai a
nangirugi iti agtultuloy a programana nga agadal iti nasantuan a kasuratan ibinglayna
dagiti sumaganad a sirmata iti pannakaidur-as ken ragsak a nagun-odna iti panagadalna.
Naadaw a sao Paidatag iti agtutubo a babai a naipasigud a natudingan ti sumaganad: “Ti Panagutob
saan nga Ang-angaw .”
“In-inut a naadalko no kasano a nasursuro amin dagiti nasantuan a tao ti Dios a
mangammo iti Dios ken ti ebanghelio. Saan a sagut kadagiti bassit a napili, ngem bendision
a naibatay iti paglintegan ti panagtungpal, adu nga oras, ken panagadal.
“Bayat ti panangbasak kadagiti nasantuan a kasuratan . . . , naadalko ti sumagmamano
kadagiti pangrugian ti panagutob ken panagsukimat.
125