Agtutubo a Babbai 1

Pakagupgopan ti
naadaw a sao
206
panawenna a pakairamanan ti panagkararag, inaldaw a panagadal iti nasantuan a
kasuratan, ken dadduma pay a banag.
Maikadua nga Amirisen a Kasasaad
Adu nga oras ti ar-aramaten ni Cristina a mangaywan kadagiti addina. Kayatna ti
maaddaan iti ad-adu a panawen a dumur-as a naespirituan ken mangsanay kadagiti
paglaingan iti panagtagibalay.
• Kasano a mapaggiddanna ti pagrebbenganna nga agaywan ken ti panangidur-asna iti
naespirituan ken panagtagibalay? (Mabalinna nga isuro kadagiti ubbing dagiti adalen ken
kanta iti ebanghelio; mangpanunot iti plano a mangisuro kadagiti addina a babbai nga
agluto, agdait, wenno aniaman nga aramid iti ima, ibasana dagiti nasantuan a kasuratan
ken estoria iti nasantuan a kasuratan kadagiti ubbing.)
Maikatlo nga Amirisen a Kasasaad
Ar-aramiden ni Lisa dagiti maipakumit kenkuana iti simbaan ken nalaing nga estudiante,
naanep nga agtrabaho, ken mannakitinnulong nga anak. Paglabsanna iti oras ti
agdengngeg iti musika, aglangoy, agutob, ken agar-arapaap.
• Ania ti masaoyo iti wagas a panangpalabas ni Lisa iti panawenna? (Kasla adu ti maararamidan
ni Lisa ken nasayaat ti panangar-aramatna iti panawenna. Nasken a mairaman
iti aramidentayo ti panawen nga aginana, agaliwaksay, ken agpaliwa. Saan nga ipapan a
kanayon nga awan ti pateg dagiti di naituding a panawen.
Pabasa ti sumaganad a naadaw a sao:
“Ti ‘pannakakumikom’ saan a nasken a kaipapananna ti nainsiriban a panangaramat iti
panawen. Nasken nga adda panawen para iti panagpanunot ken naespirituan a
panagdur-as kasta met ti panagaliwaksay: panawen a panagrukbab ken panawen a
panangipeksa iti panagyamantayo iti kabaelantayo nga agtrabaho, ken agpanunot, ken
agkararag, ken agbasa, ken tumulong, ken agarapaap, ken agkatawa, ken agplano, ken
agadal. . . .
“Ti panawen a busbosentayo a mangadal iti Amatayo iti Langit ti mangyeg kadagiti di
naag-agapad a parabur kadatayo iti amin nga aldaw a panagbiagtayo” (John Longden,
“Time Is of the Essence,” Improvement Era, June 1966, pp. 511-12).
Kasapulan ti Panagplano ti Nainsiriban a Panangaramat iti Panawen
Banag nga adalen Painagan kadagiti agtutubo a babbai dagiti aramid a nasken nga iwakasda iti inaldaw
(sumrek iti eskuela, mangan, maturog, mangaramid kadagiti inyawid nga aramiden, ken
dadduma pay). Bayat ti pannakainagan dagitoy nga aramid, mangikabil iti saggaysa a
bato iti garapon wenno malukong. (Ibagian ti malukong wenno garapon ti duapulo-ketuppat-nga-oras
nga aldaw.) Punnuen ti garapon iti bato. Panginaganen dagiti agtutubo a
babbai iti sabali pay a bambanag a nasken nga aramidenda iti inaldaw (agbiahe a mapan
ken agawid iti eskuela, agidalimanek iti nagiddaan, agsukat, agdigos, agdalus iti kuarto,
agpakan iti dinguen, agkararag, agadal kadagiti nasantuan a kasuratan, agisagana
kadagiti lupot, agsanay iti musika, tumabuno kadagiti miting iti Simbaan, ken dadduma
pay). Iti pannakainagan dagitoy dadduma pay nga aramid, nayonan iti darat, bagas,
wenno asin dagiti bato iti garapon agingga a kasla napunnon. (Ibagian ti darat dagitoy
mainayon nga aramiden.) Akuen a kaarngi ti biag dagiti agtutubo a babbai ti
pannakapunno ti garapon. Kalpasanna nayonan iti danum, nga ilawlawag nga uray iti
aldaw a pannakakumikom adda panawen a panagutob, panagaliwaksay, ken dadduma
pay a makaitag-ay nga aramid. (Ibagian ti danum dagitoy nga aramid.) Nasken nga
ikagumaantayo amin a timbangen ti panangaramattayo iti panawentayo. Kasapulan ti
naannad a panagplano ti pannakaiwakas amin a kasapulan ken tarigagaytayo.
Estoria “Naminsan nga inasitgan ti nasanay iti paglaingan a tao ti presidente ti dakkel a
korporasion ti landok ket binalabalana ti serbisio ti pamastrekanna. ‘Saan a nasken,’
insungbat ti presidente, ‘saanak a manartarawidwid a kas iti amok ita. Kasapulanmi ti
madagdagus nga aramid, saan a ti pannakaammo. No maitundanakami iti
pannakaaramid iti ammomi a nasken, bayadanka iti ania man a kayatmo.’
“‘Nasayaat,’ insungbat ti pagyumanan. ‘Maikkanka iti maysa a banag iti uneg ti
sumagmamano a minuto a mangpaadu iti maaramidan ken tignayyo iti limapulo a