Agtutubo a Babbai 1

nagtomar kadagitoy, uray no naksayen ti dagsen a kayatna. Kasla tultulongan ti pildoras
a makaiwakas iti ad-adu iti inaldaw. Awan ti makitana a makadangran iti daytoy gapu ta
saan a nasken ti reseta ken maawat daytoy a pildoras. Dina naamiris a nagbalinen nga
agpannuray kadagitoy agingga nga inkeddengna nga isardengnan ti agtomar.
• Apay a saan a nasayaat daytoy a wagas a pagpakuttong? Ania dagiti pagpeggadan iti
panagpannuray kadagiti pildoras a pangtimbeng iti ganas a mangan?
• Ania ti banagen—iti bagi, rikna, ken espiritu—ti mabalin nga ibunga ti panagabuso iti
maiparit nga agas ni Janet?
• Ania ti pagbanagan ti panagabuso iti maiparit nga agas ni Janet iti masakbayanna?
Paglilinnawagan ti pagpeggadan iti panagbalin a di inggagara a mailumlom wenno
agpannuray kadagiti kasla di makadangran a di naresetaan nga agas.
Amirisen a kasasaad “Agarup iti kastoy a panawen makatawenen ti napalabas . . . addaak iti maysa a lugar . . .
nga agdudupudop ti adda iti panunotko. Agbibiagak iti sinsinan lubong ti naisalsalumina
a maiparit nga agas, a napno iti aragaag nga arapaap, nga adayo iti pagtaengak. Saan a
kas iti sapsapulek ti adda iti aglawlawko. . . .
“Bayat ti kanayon a panangibagbagak iti bagik, ‘Naragsakka,’ diak maawatan no apay a
nasken nga igaedko nga ipapilit tapno mapapatik ti bagik. Nagbalinak a managpannuray
iti maysa a banag iti ruar ti bagik. Bayat ti pannakaikursongko iti daytoy a buya,
kimmayakayak met kadagiti gagayyemko.
“Sadino ti yanko? Aniaak? Asinoak? Inaldaw ken rinabii a kamkamatendak dagitoy a
saludsod, ket tunggal aldaw ad-adda la a mayadayoak kadagiti sungbat.
“Iti maysa a rabii a pannagnak kadagiti kalsada nga addaak iti babaen ti bileg ti ti-lamangisungsungsong-kaniak-ti
makaammo-no-ania, adda naduktalak. Iti ngalay daytoy a
wayawaya patay laeng ti kakaisuna a ragragpatek. Ket agmaymaysaak, ket maangangsanak
iti kinamaymaysak” (Charleen Hurson, “Start the World; I Want to Get On,”
New Era, Apr. 1972, p. 12).
Panaglilinnawag • Ania dagiti ibunga iti bagi ken espiritu daytoy a kita ti padas?
• Kasano ti mabalin a pannakaparmek daytoy a balasitang kadagiti parikut ken
panagbalbaliw iti biagna?
Naadaw a sao Pabasa iti maysa a kameng ti klase ti sumaganad a palawag:
“Agalistokayo. Dikayo koma agbalin a di makaaw-awat a kas iti pannakapanuynoy nga
agaramat iti alkohol, tabako, ken maiparit nga agas. Nalawag a di nasayaat nga aramid
daytoy. Kinamauyong, no mapakawanyo dayta nagubsang a balikas, ti agaramat iti
koken, marihuana, wenno ania pay a sabali a maiparit nga agas a mangtubeng kadakayo
a mangtengngel iti panunotyo. Kalpasan ti tunggal ‘panangalimpatok’ a ginubuay ti
maiparit nga agas, adda met ‘nababa.’ Apay nga agbusboskayo iti kuarta iti dayta
mangdangran laeng kadakayo? Apay a paadipenkayo iti bisio a mangtubeng laeng ken
mangdadael iti masakbayanyo?” (Gordon B. Hinckley, iti Conference Report, Oct. 1981, p.
57; wenno Ensign, Nov. 1981, pp. 40–41).
Paskil a mabalin nga
aramaten no kayat
ken nasantuan a
kasuratan
Panangidatag ti
mannursuro
184
Ipakita ti paskil ti mensahe manipud iti 1 Taga-Corinto 3:17. Basaen ken paglilinnawagan ti
bersikulo ken pamarkaan kadagiti agtutubo a babbai dagiti nasantuan a kasuratanda.
Ilawlawag a mayappeng ti panagaramat ken panagabuso kadagiti maiparit nga agas dagiti
ballaag ken kari iti Nainsiriban a Balikas (Doktrina ken Katulagan 89). Maisupiat iti balakad
ken bilin ti Apo ti di naannad a panagaramat kadagiti sustansia a makadangran iti bagi.
Panangigibus
Ipaganetget a ti di a pulos panangipauneg kadagiti makadangran nga agas ti kakaisuna a
nainsiriban a pangngeddeng maipanggep kadagitoy, uray no sangkabassit laeng. Basaen
ti sumaganad a palawag:
“Nagadu dagiti tao nga agkuna, ‘Saan a makadangran kadakayo ti maysa a sigarilio,
sangatasa a tsaa wenno kape, sangkasusop a marihuana, ken awan ti duadua a di
makadangran iti asino man ti maminsan a yiinum iti alkohol.’