Agtutubo a Babbai 1

Panangliklik Kadagiti Makaidagel a
Pangaring ti Warnakan
GANDAT Mabigbig ti tunggal agtutubo a babai ken maliklikanna ti makaidagel a pangaring ti
warnakan iti biagna.
PANAGISAGANA 1. Mabalin nga aramiden no kayat: Mangitugot iti maysa a nalingta nga itlog, saan a
naukisan, puraw no mabalin; pagikkan a naikkan iti danum nga umdas a
mangtalipupos iti itlog; ken kutsara ken pangmaris iti taraon nga ipakita. Mabalinyo ti
mangaramat iti puraw a tela no awan ti itlog.
2. Mangaramid iti tsart iti pisarra wenno paskil. Isurat iti maysa a dasig dagiti ramit ni
Lucifer nga inladawan ni Presidente Spencer W. Kimball iti umuna a benneg ti adalen.
Iti maikadua a dasig, isurat dagiti pagrukodan ni Presidente Ezra Taft Benson iti
panangeddeng a masarakan iti maikadua a benneg ti adalen. Iti maikatlo a dasig isurat
dagiti wagas ni Obispo H. Burke Peterson a pangliklik iti makaidagel a warnakan.
Abbongan ti tunggal dasig tapno maipakitada nga agsinnublat iti mainugot a kanito.
3. Mangisagana iti maibunong a papel ti “Pagannurotan iti Panangamiris iti Warnakan” a
para iti tunggal balasitang.
4. Mangtuding kadagiti agtutubo a babbai a mangidatag iti ania man nga estoria,
nasantuan a kasuratan, wenno naadaw a sao a kayatyo.
MAISINGASING A
PANANGIDATAG
ITI ADALEN Maysa Kadagiti Kabilgan a Ramit ni Satanas ti Makaidagel a Warnakan
Panaglilinnawag Painagan kadagiti agtutubo a babbai ti sumagmamano a sustansia a mabalin a
makatulong ken makadangran. Mairaman kadagitoy dagiti insektisidio, pagpasuyot,
kemika, pagdalus. Igibus a mabalin a nasayaat wenno dakes ti ibunga ti ania man
kadagitoy, maibatay no kasano ti pannakaaramatda.
Panangidatag ti
mannursuro
Adalen
33
Ilawlawag a bangabanga ken nagkurus a tulang ti sangalubongan a ballaag a simbolo ti
makasabidong a sustansia. Mabigbig dagiti tao iti intero a lubong a kas nabatad a ballaag
iti mabalin a mapasamak kadakuada no ipaunegda ti sustansia. Binallaagandatayo dagiti
propeta iti ud-udina nga aldaw iti sabali a kita ti pannakaakar a mabalin a makapatay,
saan nga iti bagitayo, ngem kadagiti espiritu ken panunottayo. Idanon ti nasaknap a
warnakan—telebision, radio, pelikula, magasin, ken periodiko—a sangsangkapaminsan
iti adu a tao. Makatulong dagitoy a warnakan a mangisaknap iti aramid ti Apo iti daga, a
mangisuro, ken mangliwliwa. Ngem mabalin met a maaramatda a pangdadael. Isuda ti
kangrunaan a ramit ti kabusor, nga agpanggep a mangrippuog iti nadayaw a galad ti
tunggal maysa kadatayo.
Panaglilinnawag Ilawlawag a nupay pagsisinnupiatan dagiti dadduma a tao a ditayo maaringan ti seks,
kinarasaw, kinaalas, ken kinaranggas a makitatayo iti nasaknap a warnakan, saan nga
agpayso daytoy.
Paglilinnawagan kadagiti agtutubo a babbai no ania dagiti mabalin a makadadael a bunga
ti seks, kinarasaw, kinaranggas, ken kinaalas.
Naadaw a sao Binallaagannatayo ni Presidente Spencer W. Kimball kadagiti peggad a bunga dagitoy a
pannakaipasango iti makaidagel a warnakan:
“Awan duadua . . . ti didigra . . . masansan a mangrugi iti panagbuya iti [di mainugot] a
pagsinian wenno pananglukib kadagiti naalas a magasin. Mabalin a mangrugi ti dana nga
agturong iti nadagsen a basbasol a panagdederrep, pannakikamalala, ken pannakinaig iti
kapada a babai ken lalaki . . . iti panagbuya kadagiti nanaigan iti seks ken kinaranggas a
151