Agtutubo a Babbai 1

naan-anay a pammakawan babaen ti pammati ken ni
Jesucristo ken pudno a panagbabawi.
Pammakawan
GANDAT Masursuro ti tunggal agtutubo a babai ti pateg ti panangpakawan kadagiti dadduma.
PANAGISAGANA 1. Mangitugot iti lapis ken papel a saggaysa ti tunggal kameng ti klase.
2. Mangisagana iti paskil a nakaisuratan ti nasantuan a kasuratan, “Ket managayanayatkayo,
agkikinnaasi ken agpipinnakawankayo, a kas met ti Dios pinakawannakayo
gapu ken Cristo” (Taga-Efeso 4:32).
3. Isurat iti maysa a papel ti palawag ni Presidente Spencer W. Kimball a masarakan iti
maikadua a benneg ti adalen. Ited iti maysa kadagiti agtutubo a babbai sakbay a
rugianyo ti adalen ket paadal kenkuana tapno naannayasto ti panangbasana bayat ti
klase.
4. Mangtuding kadagiti agtutubo a babbai a mangidatag iti ania man nga estoria,
nasantuan a kasuratan, wenno naadaw a sao a kayatyo.
MAISINGASING A
PANANGIDATAG
ITI ADALEN Pakauna
Dagiti amirisen a
kasasaad
Panaglilinnawag
iti nasantuan a
kasuratan
Adalen
23
Ikkan ti tunggal agtutubo a babai iti lapis ken papel. Pailadawanyo iti klase dagiti dua a
kasasaad. Iti paggibusan ti tunggal maysa, isuratda ti mabalin nga aramidenda iti umarngi
a kasasaad.
Umuna nga Amirisen a Kasasaad
Adda inlatak a palimed ni Maryann ken ni Kathy a gayyemna ket nagtalek iti daytoy nga
ilimedna ti nagsaritaanda. Kalpasanna, nangngeg ni Maryann nga ibagbaga ni Kathy iti
sabali. Saan la a dayta, ngem innayon ni Kathy iti estoria, nga imbagana a kasla
napasamak dagiti banag a di met pudno. Nangrikna unay ni Maryann gapu ta di
tinungpal ti gayyemna ti saona. Kasta met a nalabes ti pungtotna—nalabes unay ti
pungtotna ta napanunotna a dinanton pulos kasao ni Kathy.
Paisurat iti tunggal agtutubo a babai ti aramidenna no isu koma ni Maryann.
Maika-2 nga Amirisen a Kasasaad
Bayat ti panglukat nga aramid, inkabil ni Karen ti petakana iti bangko. Nabatina idiay idi
agsisinada iti klase. Idi nagsubli a mangala iti petaka, awanen. Iti sumuno nga aldaw,
napan ni Susan, ti balasitang a kaak-akar iti asidegda, iti balay da Karen. Inannugot ni
Susan nga innalana ti petaka. Insublina a kinunana a ladingitenna ket dimmawat ken ni
Karen iti pammakawan. Kinuna ni Karen, “Nalipatak daydiayen.” Bayat ti pannakisarita
ni Karen iti sumagmamano a gagayyemna kalpasan ti sumagmamano nga aldaw,
dinamag ti maysa kadagiti babbalasitang no adda makaam-ammo ken ni Susan.
Ikkan dagiti agtutubo a babbai iti panawen a mangisurat iti aramidenda no isuda koma ni
Karen. Ibaga kadakuada nga ipaknida pay laeng dagiti papelda ta maaramatdanto iti
arinunos ti adalen.
Insuro ti Mangisalakan ti Pammakawan Babaen iti Sao ken Pagarigan
Ilawlawag nga insuro ni Jesucristo dagiti tao iti rumbeng nga aramidenda no adda
mangsair kadakuada. Padengngeg kadagiti agtutubo a babbai ti maysa a nasantuan a
kasuratan ket kitaenda dagiti pammilin nga inted ni Jesus. Pabasa iti maysa nga agtutubo
a babai ti Mateo 5:43–44.
105