Create successful ePaper yourself
Turn your PDF publications into a flip-book with our unique Google optimized e-Paper software.
Akem ti Ina ken Mannursuro<br />
Kinuna ni Presidente David O. McKay: “Asideg iti kinadios ti kinaina. Isu ti kangatuan, ti<br />
kasantuan a serbisio a maaramid [ti babai]” (iti Conference Report, Oct. 1942, pp. 12–13).<br />
• Kasano a daytoy a palawag ti propeta ti Dios papigsaenna ti kananakemtayo a<br />
maiturong kadagiti akemtayo?<br />
• Kasano a ti pannakaawat kadagiti kasta a palawag dagiti propeta ti Apo makatulong<br />
kadatayo a mangliklik iti nailubongan a kananakem dagiti sumagmamano a babbai a ti<br />
kinaina inaldaw la nga aramid ken dagensen ket pukawenna ti bukod a wayawaya?<br />
Ilawlawag nga isuronatayo ti kinaina nga agbalin a managayat ken makasursuro nga<br />
agsakripisio.<br />
Kinuna ni Presidente Spencer W. Kimball:<br />
“Nasken nga agplano ken agsagana dagiti agtutubo a babbai a mangasawa ken iti<br />
panagpasngay ken panagpadakkel kadagiti ubbing. Nadiosan daytoy a kalinteganyo ken<br />
daytoy ti dana nga agturong iti naindaklan ken nangatngato nga agpang ti kinaragsak”<br />
(“Privileges and Responsibilities of Sisters,” Ensign, Nov. 1978, p. 103).<br />
Estoria Naterminuan iti kanser ti biag ti maysa nga agtutubo nga ina nga addaan iti dua nga<br />
annak a mangrugrugi nga ageskuela. Sakbay ti ipapatayna, kinasarita ti kaingungotna ti<br />
ospital a mayakar koma ti kapisina, ni Marilyn, iti naiputputong a lugar iti sirok ti ospital<br />
tapno makapagpiknikda a kaduada dagiti dua nga annakda nga ubbing a babai. Daytoy ti<br />
aramid a nakairuamanda a pagraragsakan a sangaamaan sakbay a nagsakit ti inada.<br />
Nagtugawda amin iti sirok ti dakkel a mangga, nangaldawda, ken nagrag-oda iti dayta<br />
ababa a napateg a kanito a panagdedennada a sangaamaan. Kalpasan dayta a padas,<br />
nagsubli ni Marilyn iti kamana iti ospital ket insuratna ti sumaganad iti listaan ti<br />
padpadasna:<br />
“Kanayon a naibagbaga kaniak a ‘no nasayaat ti salun-atmo adda kenkan ti amin.’<br />
Naamirisko ita nga aldaw a saan a pudno dayta, gapu ta adda kaniakon ti amin nupay<br />
saanak a nasalun-at. Naiteden kaniak ti amin iti panagtugawko iti sirok dayta dakkel a<br />
mangga ita nga aldaw—ti patpatgek a kaingungotko ken dagiti nasingpet nga annakko.<br />
Awanen ti napatpateg pay. Impaay kaniak ti akemko a kas kapisi ken ina ti kapatgan a<br />
rag-o ken ragsak iti daytoy a biag. Ibatik iti agnanayon dagiti piknik ken adu a<br />
nailubongan a ragsak, ngem kaduakto ti kaamaak iti agnanayon.”<br />
Panaglilinnawag • Kasano a natulongan ti kananakem daytoy agtutubo a babai a kapisi ken ina iti akemna<br />
a mangawat iti sakitna?<br />
• Kasano a mabalin nga aringan ti kananakemna ti kananakem dagiti annakna iti akemda<br />
inton agbalinda a kapisi ken inna?<br />
Naadaw a sao ken<br />
maibunong a papel a<br />
mabalin nga<br />
aramiden no kayat<br />
Adalen 8<br />
Panangigibus<br />
Inted ni Presidente Spencer W. Kimball kadatayo daytoy a pammaregta:<br />
“Ti panagbalin a nalinteg a babai ket nadaeg a banag iti ania man nga edad. Ti panagbalin<br />
a nalinteg a babai bayat ti umad-adanin a biag ditoy daga ket naisangayan ti<br />
kinataknengna nga akem, sakbay ti maikadua a yaay ti Mangisalakantayo. Ti pigsa ken<br />
pangawis ti nalinteg a babai ita mabalin a mamimpullo iti mabalin a maaramid kadagiti<br />
nataltalna a panawen. Naisaad ditoy a tumulong a mangidur-as, a mangsaluad, ken<br />
mangaywan iti pagtaengan—nga isu ti pangrugian ti gimong ken kadayawan nga<br />
institusion” (Ensign, Nov. 1978, p. 103).<br />
31