Agtutubo a Babbai 1

Panaglilinnawag Papanunot kadagiti babbalasitang dagiti banag nga inlistada a dida kayat maipanggep
kadakuada.
• Apay a sursurokantayo no dadduma dagiti pagkapsutantayo?
• Kasano a malapdan ti panangtagibassittayo iti bagitayo dagiti talentotayo, ti aramidtayo
iti simbaan, ken ti gundawaytayo a mangidaulo?
Naadaw a sao Basaen ti sumaganad a naadaw a sao manipud ken ni Elder Marvin J. Ashton:
“Imparang ti nasaririt a mannusuro ken presidente ti Gimong ti Kaasi ti pasok . . . ti dakkel
a ladawan iti telon. Ipakitana ti barito a nasilap dagiti matana ken saan a naurnos ti buokna
ken nakadalikepkep, a nauneg ti pampanunotenna. Mabasa iti babaenna, ‘Ammok nga
adda kaipapanak gapu ta saan nga agaramid ti Dios iti basura.’ Palubosandak a mangulit,
‘Ammok nga adda kaipapanak ta saan nga agaramid ti Dios iti basura.’ . . .
“Kasapulan ti amin a tao iti ania man a tukad ti panagbiag ti tulong iti panangbangonna
iti panagdayaw-ken-panagtalekna-iti-bagina. . . . Ti panangiladawan ti tao iti bagina
awan surok ken kurangna iti naadalna babaen dagiti padasna ken ti pannakipulapolna
kadagiti dadduma. Makapnek a panunoten nga adda timmulong iti pagwadan a barito a
nangpasayaat iti pakabigbigan ti kinataona. Maysa a tao, mabalin a ti inana, ti
mannursuro iti Primaria, kaarruba, wenno uray pay ti kanta a kas iti ‘Anaknak ti Dios,’ ti
nakabigbigan ti barito nga adda kaipapananna. Ammona a saan a basura. Ammona a saan
nga imposible ti kinataona. Ammona a tao nga ay-ayaten ti Nailangitan nga Ama” (iti
Conference Report, Oct. 1981, p. 125; wenno Ensign, Nov. 1981, p. 89).
• Ania ti pangibatayantayo iti ladawan ti kinataotayo?
Inlawlawag ni Elder Ashton a maibatay ti ladawan ti maysa a tao kadagiti bukodna a
padas kasta met ti pannakipulapolna kadagiti dadduma. Mabalin a maaringan ti
panagraem-iti-bagi babaen ti agpadpada a no ania ti panangipapantayo iti bagitayo ken
no ania ti masao kadatayo dagiti dadduma.
Bayat ti panangbasayo iti sumaganad a palawag, padengngeg kadagiti babbalasitang iti
baro, nabilbileg a wagas a panangtingitingda iti ladawan ti kinataoda.
Panaglilinnawag
iti naadaw a sao
Panaglilinnawag
iti naadaw a sao
“Ti pateg ti pammati iti Dios ken ti nasagudayan a galad . . . masansan a supringen ti adu
a kas awan ti pategna. Daytoy ti dana nga agturong iti pannakapaay gapu ta dina ikkan
iti kaipapanan ti nabileg a kinapateg dagiti naipangruna a banag a mabalintayo a
maammuan ngem saan a marukod. Kas pagarigan, ay-ayatek ti kapisi ti pusok ken ti
kaamaak, ken mariknak ti ayatda kaniak. Diyo marukod no kasano ti panagpipinnategmi
iti tunggal maysa, ngem napudno. Ti saem narigat met a marukod ngem pudno. Kasta
met ti kinapudno ti pammati iti Dios. Mabalintayo nga ammuen ti Kaaddana a saan a
nasken a rukodentayo iti kaaduna. Kinuna ni Pablo, ‘Ti Espiritu a mismo ti
mangpaneknek kadagiti espiritutayo, nga annaknatayo ti Dios’” [Taga-Roma 8:16] (James
E. Faust, iti Conference Report, Apr. 1981, p. 9; wenno Ensign, May 1981, pp. 9–10).
Papanunot kadagiti babbalasitang ti nasao ni Elder Faust maipanggep kadagiti banag a
narigattayo a rukoden. Isurat dagitoy iti pisarra.
• Ania dagiti dadduma a pangaring a mabalin a mangtignay iti riknatayo maipanggep iti
bagitayo. Mabalin a mairaman dagitoy—
1. Ti pannakaawat iti nadiosan a kasasaadtayo a kas annak ti Dios.
2. No kasano ti pannakisarita kadatayo dagiti dadakkeltayo.
3. No kasano ti pannakilangen kadatayo dagiti gagayyemtayo.
4. No kasano ti panangawat dagiti mannursuro iti aramidtayo iti eskuela.
5. Dagiti balligi ken pannakapaay a mapadasantayo.
Malaglagip ni Eleanor Roosevelt iti sirmatana idi kinunana, “Awan ti makaiparikna
kadakayo a nababakayo no awan ti pammalubosyo” (“Points to Ponder,” Reader’s Digest,
Feb. 1963, p. 261).
• Apay a no dadduma palugodantayo dagiti dadduma a mangiparikna kadatayo a
nababatayo? (Gapu ta masansan a sisasaganatayo a mamati iti kadaksan maipanggep
kadatayo ket malipatantayo a lagipen dagiti pagpigsaan ken kabaelantayo; gapu ta
maseknantayo unay ti kapanunotan dagiti sabali a tao.)
193