Agtutubo a Babbai 1

Maibunong a papel
wenno pisarra
Wagas a
panangituding iti
panggep a tun-oyen
Mabalin a napateg a wagas ti wagas a panangituding iti panggep a tun-oyen iti
panagdur-as iti unos ti panagbiagtayo. Ket ita ti nasayaat a panawen a panangsursuro no
kasano nga iturong ti pigsatayo babaen ti panangituding ken panangtun-oy iti adda kaeseskanna
a panggep a tun-oyen.
Amirisen dagiti sumaganad nga uppat nga addang ti wagas a panangituding iti panggep
a tun-oyen a kadua dagiti babbalasitang:
Ipakaammo
Amirisen
Agtignay
Planuen
Umuna nga addang: Amirisen (ikeddeng ti nasken a maaramid)—Ilista dagiti banag a
kayatyo a maammuan, saguday ken kabaelan a kayatyo a matagikua, ken bambanag a
kayattayo a maiwakas iti biagyo.
Maika-2 nga addang: Planuen (ania ti aramiden ken no kaano)—isuratyo ti panggep a tunoyen
ken no kasano a planuenyo a ragpaten. Laglagipenyo, gagangay laeng a tarigagay ti
di naisurat a panggep a tun-oyen. No kayatyo, mangpilikayo iti naganak, gayyem, wenno
dadaulo a kayatyo a pangipakaammuan iti naaramidyo a panagdur-as. Mangitudingkayo
iti panawen a pannakaileppasyo iti panggepyo a tun-oyen ken petsaanyo tapno
mamarkaanyo ti panagdur-asyo.
Maika-3 nga addang: Agtignay iti plano—no maysa a banag a mabalinyo nga aramiden a
bukbukodyo ti panggepyo a tun-oyen, aramidenyo! No kasapulanyo ti tulong,
agpatulongkayo a mangileppas iti panggepyo a tun-oyen.
Maika-4 nga addang: Ipakaammo ti nagdur-asan ken banag—Kasinnarakyo ti tao a
napiliyo a pangipakaammuanyo iti dinur-asanyo. Ibagayo ti naaramidyo ken markaanyo
ti dinur-asanyo. Mabalin nga adda dagiti panggepyo a tun-oyen a nalimed. Mabalinyo a
tingitingen ti bagiyo wenno ipakaammoyo ida iti Nailangitan nga Ama babaen ti kararag.
Kalpasan a maileppasyo ti maika-4 nga addang, rugian manen ti wagas babaen ti
panangamirisyo iti sumaruno a kayatyo nga aramiden.
Estoria Ti mannursuro ken dagiti babbalasitang iti klase dagiti Agtutubo a Babbai maseknanda iti
maysa kadagiti kameng ti klaseda. Pinilida a kas panggep a tun-oyen ti klase ti
panamagsublida ken ni Cheryl sakbay nga aggibus ti tawen a panagbasa. Ammoda a
mabalin nga atiddog ti agpangna a panggep a tun-oyen daytoy, ta namindua la a simrek
iti klase iti uneg ti tallo a tawen. Nangitudingda iti ababa ti agpangna a panggep a tunoyen
ket imbagada iti mannursuroda nga ipakaammoda kenkuana ti banagenda.
Panggepda a tun-oyen ti (1) ikuyogda ni Cheryl iti maysa kadagiti aramidda ken (2)
ikuyogda iti maysa a panagadal iti Domingo. Insuratda ti plano ti tunggal panggep a tunoyen
ket rinugianda nga ipatungpal.
Nalaka laeng ti immuna a panggep a tun-oyen. Ammo dagiti babbalasitang a kaay-ayo ni
Cheryl ti agbasketbol ta nagay-ayam iti grupo dagiti agay-ayam iti basketbol iti
pagadalanda. Nangplano dagiti babbalasitang iti ay-ayam iti rabii ket dinamagda no
makaumay tapno isurona ida nga agay-ayam iti basketbol. Sitatallugod nga immannugot
ket napnuan balligi dayta nga aramid.
Narigrigat ti maikadua a panggep a tun-oyen. Intuloyda ti pannakigayyemda kenkuana iti
eskuela. Nangtedda kenkuana kadagiti mainubong a papel ti eskuela, ngem kasla latta saan
a makaidna ken awan ti essemna nga umay iti Domingo. Sa kas aramid ti klase, napan
nagbuya dagiti babbalasitang ken ti mannursuroda iti maysa kadagiti ay-ayam iti basketbol
da Cheryl iti eskuela. Nagdir-ida amin iti napigsa ket nagtatarayda a nangkablaaw kenkuana
kalpasan ti panangabakda. Napan ni Cheryl iti simbaan iti sumuno a Domingo! Iti umuna a
gundaway, kasla nakalaglag-an ti riknana ket nakipagkatkatawa ken nakisarsarita kadagiti
babbalasitang. Intuloy dagiti babbalasitang ti aramid ken panagayatda, ket immad-adda ti
yaay ni Cheryl kadagiti miting iti simbaan. Kinapudnona, naawagan ni Cheryl nga agserbi a
kameng ti panguluen ti klase iti simmaruno a tawen.
223