Agtutubo a Babbai 1

154
• Ania dagiti pagpilian ni Diane? Ania ti aramidenyo kadagitoy a kasasaad?
2. Maysa kadagiti kasingedan a gayyem ni Sarah ti kasla masansan nga agdengdengeg iti
kaay-ayona nga estasion ti radio. Iti maysa nga aldaw nayakar ti pagsarsaritaanda iti
kita ti musika a kanayon a patpatokaren dayta nga estasion. Dinamag ni Sarah ken ni
Mary no apay a dengdenggenna daytoy idinto nga adu kadagiti balikas ti musika ti
mangisingasing iti kinarugit ti dayaw. Insungbat ni Mary a magustuanna ti kumpas ken
aweng ti musika ken uray ta dina met unay ikaskaso dagiti balikas.
• Ania ti mabalin nga ibunga kenkuana dagiti balikas nupay dina ida ikaskaso? Ania
koma ti mabalin nga imbaga ni Sara ken ni Mary?
3. Adda ti maysa nga agtutubo a lalaki iti dakkel a siudad a pakisalipan ti eskuelana.
Masakit ti nangkuyog kenkuana, ket awan ti am-ammona. Nawaya iti maysa a rabii, isu
a nagyan iti kuartona iti hotel ket kinitana ti listaan ti pabuya iti telebision. Naupay
unay, ta naammuanna a maymaysa ti estasion a yan ti pelikula, ket makagargari pay a
pelikula ti pabuya. Inibusna ti intero a rabii a nakisinsinnupiat iti bagina no rumbeng
nga agbuya wenno saan. Nagbalin a pudno a pannakirupak iti panangdisiplina-iti-bagi
ti panangikagumaan a mangparmek iti sulisog a mangbuya bayat ti kaawan ti
makaammo. (Kitaen ti Jack Weyland, “The Quiet War,” New Era, Oct. 1981, pp. 12–19).
4. Nagtelepono ti ama ti maysa a kaamaan iti pagsinian a pakaipabpabuyaan ti pelikula a
plano ti kaamanna a buyaen. Imbaga kenkuana ti manedyer a “mainugot a
paglinglingayan ti kaamaan.” Idi makadanonda, umuna unay a parang ti nalawag a
buya ti makinaig. Rimmuar ti sibubukel a kaamaan iti pagsinian.
• Ania ti insuro daytoy nga ama kadagiti annakna? No pinili koma ti ama ti
nagtalinaed, ania a ramit ni Lucifer ti naaramat koma no intuloy dagiti ubbing a sinurot
ti pagariganna kadagiti sabali a pasamak?
5. Pampanunoten da Dan ken Martha ti aramidenda iti maysa a rabii. Insingasing ni Dan
nga agbuyada iti sine. “Mabalin kaniak dayta, ngem kayatka a ballaagan a diak ituloy a
buyaen ti pelikula a di umabot iti pagrukodak,” insungbat ni Martha.
Nangituding ni Martha iti pagrukodanna a dina saliw-anan. Ania ti mabalin a panunoten
ti barito iti balasitang a saan la a nangituding iti kasta ti kangatona a pagrukodan, ngem
surotenna ida iti panagsinnarak a mabalin a pakapabainan ti kaduana?
Naadaw a sao Kinuna ni Presidente Ezra Taft Benson, “Sumagmamano kadagiti dadakkel a dangadang
a pakaipasungalngalanyo ti makiranget iti naulimek a nginabras ti kaungganyo” (“In His
Steps,” p. 60).
Ilawlawag a no dadduma agmaymaysatayo nga agbuya iti telebision wenno mangkita iti
pagikkan iti magasin iti pagtagilakuan. Paipalagip kadagiti agtutubo a babbai ti pabuya iti
telebision a nabuyada idi agmaymaysada iti balay. Ania a ramit ni Lucifer ti mabalin nga
aramaten dagiti babbalasitang no agbuyada iti maysa a banag a di nasayaat kadagiti
kastoy a pasamak?
Panangigibus
Ilawlawag a marikna ti minilmilion a tao ti bileg ti nasaknap a warnakan. Ngem dakkel
unay ti maaramidtayo a saggaysa a mangliklik iti makaidagel a bungana kadatayo.
Mabalin a nasken a sukisokentayo ken aguraytayo kadagiti nasayaat a partuat ken libro.
Nasken nga ammuen ken sursuruentayo ti agpili iti ania man a basaen, buyaen, ken
denggentayo, ket aramiden ti panagparbeng ken disiplina iti bagitayo iti panagpili iti
aramidentayo iti inaldaw.
Panangipakat iti Adalen
Warasan dagiti agtutubo a babbai iti kopia ti maibunong a papel a, “Pagannurotan iti
Panangamiris iti Warnakan.” Isingasing nga aramatenda dagitoy a pagannurotan a
pangliklikda iti makaidagel a warnakan iti biagda. Pairaman kadakuada daytoy a
maibunong a papel iti listaan ti padpadasda.