Agtutubo a Babbai 1

Pagpanunotan a
saludsod
52
Napateg ti Panangpatalinaed iti Natibker a Panaglalangen ti Kaamaan Bayat Dagitoy a
Panawen ti Panagdakkel
• Ania ti makunayo no mariknayo a saankayo a maik-ikkan iti umdas a panagwaywayas?
Estoria Ilawlawag a no dadduma dagiti tarigagaytayo nga agbalin nga agwaywayas ken ad-adda
nga agkammatalek iti bagi napigsa unay gapuna a mangrugitayo nga agtignay a saan a
nasayaat kadagiti ania man a kita a turay iti nangatngato ngem datayo. Ni Elder James E.
Talmage (ti nagkauna a Nangato nga Agrebbeng iti Simbaan) sinaritana ti estoria ti
alimbubuyog a simrek iti opisinana iti maysa a nadagaang nga aldaw ti kalgaw. Kalpasan
ti sumagmamano a daras a panagwanengwengna iti kuarto, saan a nasarakan ti
alimbubuyog ti apagbingngi a tawa a sinerkanna. Naawatan ni Elder Talmage ti
sumagmamano a banag a di kabaelan ti alimbubuyog. Ammona a matay ti alimbubuyog
no agtalinaed iti kuarto. Iti ayatna a mangwayawaya iti daytoy, immasideg iti tawa ket
inwakwakna. Inyabogna ti alimbubuyog iti tawa. Ngem saan a paiturong. Inturongna a
nagaed, ngem nakaunget ti alimbubuyog ket siniludna pay ti imana. Impapilit ti
alimbubuyog ti kayatna ket pulos a dina nasarakan ti tawa a pakawayawayaanna. Iti
sumuno nga aldaw, natayen. (Kitaen ti James E. Talmage, “The Parable of the Unwise
Bee,” Improvement Era, Nov. 1962, p. 817.)
Isingasing kadagiti agtutubo a babbai nga adu dagiti tao iti biagda a siaayat a tumulong
ken mangiturong kadakuada iti panangtuntonda iti wayawaya ken agkammatalek iti
bagi. Masansan nga ammo dagitoy a tattao ken maawatanda dagiti banag a nalabit a dida
matukod.
• Kasano a ti kinasukir ad-adda a parigatenna a matun-oyan ti wayawaya ken
agkammatalek iti bagi?
• Ania ti dakes iti panagrikna a kasla kayatyo a baybay-andakayo dagiti dadakkelyo ket
nawayakayo nga agaramid iti kayatyo?
• Apay a minamaag ken awan kaes-eskanna ti kastoy a galad?
• Asino ti kangrunaan unay a pagrebbenganyo ken dagiti dadakkelyo? (Ti Ama iti Langit
ti pangsungbatantayo amin.)
Panangidatag ti
mannursuro
Ilawlawag a mangipapaay ti Apo iti nadagsen a pagrebbengan kadagiti nagannak a
mangisuro ken mangsanay kadagiti annakda maibatay kadagiti bilinna. Pabasa iti maysa
a tao ti Doktrina a ken Katulagan 93:40–43 ken 68:25. Ilawlawag nga isuro met kadatayo
dagiti nasantuan a kasuratan a rebbengen dagiti annak ti agtungpal kadagiti dadakkelda,
kas napaglilinnawagantayon. Ti wagas a panagbalin nga ad-adda nga agkammatalek iti
bagi makatikaw no maminsan. Kasapulanna a natudio dagiti ubbing bayat ti
panagsursuroda nga agbalin nga agkammatalek iti bagi. Bayat daytoy a panawen a
panangtarabay kadakuada dagiti dadakkelda a mangsango iti pagrebbenganda,
marikutan met dagiti nagannak a mangpabus-oy kadagiti ubbing nga agbalin nga
agkammatalek iti bagi. Ngem adda dagiti wagas a dagiti agtutubo a babbai
mapagtalinaedda ti natibker a panaglalangen ti kaamaan bayat daytoy a panawen.
Panel Yam-ammo dagiti immun-una a natudingan a kameng ti mangeddeng iti daytoy a kanito.
Bunongan dagiti babbalasitang iti papel ken lapis ket isingasing nga isuratda dagiti
kapanunotan nga ipagarupda a napateg kadakuada. No adda umdas a panawen, awisen
dagiti babbalasitang nga agsaludsod bayat ti panangituloy dagiti mangeddeng.
Umuna a Pagsasaritaan (idatag ti agtawen iti sangapulo-ket-pito wenno agtutubo): “Kasano
a Mapasayaatko ti Pannakilangenko Kadagiti Dadakkelko?”
Dagiti sumaganad a kapanunotan, wenno dadduma pay a natakuatan ti mangeddeng ti
mabalin nga agpaay a pangibatayan iti daytoy a panangidatag:
No nairteng dagiti panaglalangen, pagrebbenganyo a sipupudno a pasayaaten ti
kasasaad. Adtoy dagiti sumagmamano a wagas a pangpasayaat iti nairteng a
panaglalangen:
1. Mangilatang iti panawen a panagtitipon a sangsangkamaysa ket agsaokayo no saan a
nabannog dagiti dadakkelyo.
2. Ipakaammoyo kadagiti dadakkelyo a dayawenyo ti maysa a banag nga aramidenda.