Agtutubo a Babbai 1

Panangidatag ti
mannursuro
Panangidatag ti
mannursuro ken
naadaw a sao
10
Ilawlawag a nangisaad ni Jesucristo iti pagwadan iti amin a banag a surotentayo.
Nabilintayo a sumurot kenkuana. No natulnogtayo iti dayta a bilin, makariknatayo iti
naindaklan a rag-o iti biagtayo. Ibatay iti listaan iti pisarra.
• Kasano ti panangipakitatayo iti kinapakumbaba iti biagtayo? (Kas pagarigan,
mabalintayo ti agbalin a natulnog kadagiti dadakkeltayo ken kadagiti bilin ti Dios;
mabalintayo nga unaen dagiti kasapulan ken nalinteg a tarigagay dagiti dadduma sakbay
ti agpaay kadatayo.)
• Ania dagiti sumagmamano nga inaldaw a wagas a pakasurotantayo iti pagwadan ti
Mangisalakan? (Kas pagarigan, ania dagiti naipangruna a sulisog a nasken a parmeken iti
inaldaw? Kasano a makatulong kadakayo ti pagwadan ni Cristo a mangparmek kadagiti
sulisog?)
Masursurotayo ti Sumurot ken ni Jesucristo
Padengngeg kadagiti agtutubo a babbai ti panangilawlawag ni Marion G. Romney no
kasano ti panangsursurona a mangsurot iti pagwadan ni Jesucristo:
“Idi agbaritoak naited kaniak ti bassit a libro wenno maibunong a papel a napauluan iti
‘What Would Jesus Do?’ . . . Pinadegges ti naited a saludsod ti tarigagayko a nangrugi iti
kinaubingko. Saanen a mabilang bayat ti pannakaipasangok kadagiti karit ken makasinga
a pangngeddeng a sinaludsodko iti bagik ti ‘Ania ti aramiden ni Jesus?’ . . . Bayat ti
panangutobko iti [dayta] a saludsod [inukradko] dagiti nasantuan a kasuratan iti
panagsapulko iti sungbat. Sadiay iti Ebanghelio nga insurat ni San Juan, nasarakak ti
nalawag ken umisu a sungbat: Kanayon nga aramiden ni Jesus ti pagayatan ti Amana.
Daytoy ti madagdagullit nga ibagbagana iti bagina . . . ’ . . . Awan ti aramidek a
bukbukodko; ngem kas ti insuro kaniak ti Amak, sawek dagitoy a banag.
“‘Ket ti nangibaon kaniak adda kaniak: saannak a binaybay-an a maymaysa ti Ama; ta
siak agnanayon nga aramidek dagiti makaay-ayo kenkuana . . . ’ (Juan 7:15, 16, 18; 8:26,
28, 29; 10:30). . . . Iti pannakasursurok a kanayon nga aramiden ni Jesus ti pagayatan ti
Amana, simmaruno a gandatko ti mangammo no ania ti aramiden ni Jesus tapno
mapennekna ti pagayatan ti Amana. Iti panagsukisokko iti Baro a Tulag, naduktalak a
maysa a banag nga inaramidna isu ti panangimulana iti panunotna iti impakdaar ti
Amana a pagayatanna, a kas naisurat iti Daan a Tulag. Nga inaramidna daytoy isu ti
pakakitaan iti kinapudno kadagiti palawagna kas naisurat iti Baro a Tulag, nagadaw
wenno nagibatay ni Jesus kadagiti nasantuan a kasuratan manipud iti Daan a Tulag iti
nasursurok ngem sangagasut a daras.
“Kamaudiananna, ken kangrunaan unay, nasursurok a masansan a kainnumanna iti
Amana babaen ti kararag. Inaramidna daytoy saan laeng a tapno maammuanna ti
pagayatan ti Amana ngem tapno magun-odna pay ti pigsa a mangaramid iti pagayatan ti
Amana. Nagayuno ken nagkararag. . . . Agparparang a bayat ti nasantuan a panagserbina
iti daga pulos a di nangaramid iti kangrunaan a pangngeddeng wenno naipasango iti
krisis a di nagkararag [kitaen ti Mateo 4:2; Lucas 4:2; Lucas 6:12–13; Mateo 26:39; Lucas
22:42,–44]. . . .
“Iti panagtalekko iti naagapad ken dagiti kadua pay a nasantuan a kasuratan,
inkeddengko iti kinaagtutubok a ti kasayaatan a pangsango iti pangrisut kadagiti parikut
ken sungbat dagiti saludsod isu ti panagturong iti tinurong ni Jesus: padur-asen ti
napasnek a tarigagay a mangaramid iti pagayatan ti Apo; iruamko ti bagik iti impalgak ti
Apo kadagiti mairaman a banag; agkararag nga addaan pasnek ken pammati iti
naparegta a pannakaawat iti pagayatanna ken ti bileg ti pakinakem a mangaramid iti
daytoy. . . .
“Dagiti sumaganad a kangrunaan a makapnek a pangrisut kadagiti parikut ken
kasayaatan unay a sungbat dagiti saludsod a naaramidko a bukbukod iti biagko
naikeddengkon:
“1. Manipud iti kinaagtutubok nagsukisokak kadagiti nasantuan a kasuratan.
“2. Pinadasko a sinango a sipupudno dagiti karit wenno saludsod a naidatag iti napudno
a tarigagay a mangrisut iti daytoy a kas iti panangrisut ni Jesus.
“3. Naaramidko, babaen ti nagaed a panagadal ken panagkararag, a tinimbeng kadagiti
mabalin nga aramiden no ania ti ammok maipanggep iti pagbatayan ti ebanghelio.