Agtutubo a Babbai 1

54
Ina ken anak a babai:
Mangisingasing kadagiti wagas a dagiti inna ken annak a babbai makapaglinnangenda iti
natataengan nga agpang. “Bukodyo ida, bukoddakayo, ket addaankayo ken isuda iti
gundaway, kalintegan, pagrebbengan, nga agtugaw ken ibinglayyo ti pampanunotyo ken
usigenyo a sangkamaysa ti pangngeddeng ti tunggal maysa, tapno agpapadakayo a
denggen ken dayawen—ken agtrabaho, ken agkararag ken agplanokayo a
sangsangkamaysa para iti pakapnekan ti ragsakyo a kanayon ken iti agnanayon” (Richard
L. Evans, Improvement Era, June 1968, p. 90).
Igibus ti adalen babaen ti panangipaganetnget a ti panagbaliwbaliw dagiti rikna ken galad
a mapadasan dagiti agtutubo a babbai ken ti kaamaanda bayat ti panawen a panagdakkel
gagangay laeng. Mapasiken ti natibker a singgalut ti kaamaan iti daytoy a panawen
babaen ti nasinged a panagkinnaawatan ken panagtutunos.
Panangipakat iti Adalen
Isingasing kadagiti agtutubo a babbai nga aramatenda dagiti insuratda a pangilawlawag
iti bukodda a rikna ken kasapulan kadagiti dadakkelda.