You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
218<br />
Ti Nasayaat a Pammaregta Gutugotenna ti Panangidur-as Kadagiti Talento<br />
Estoria Iparang ti kopia ti pintora ni van Gogh a masarakan iti likud ti pagbasaan. Sa ited ti<br />
sumaganad nga ababa a pakasaritaan ti pintor:<br />
Limmasat ti nadawel ken naliday a panawen iti biag ni Vincent van Gogh, a naipasngay<br />
idiay Olandes 140 a tawenen ti napalabas (1853). No saan a gapu iti adienna a lalaki, ni<br />
Theo, nalabit a saan koma a nagbalin a nalatak a pintor. Namati ni Theo iti manongna, ket<br />
daytoy a pammati nangkanunong ken ni Vincent. Malaksid iti panagtalekna iti kabaelan ni<br />
Vincent, inikkan pay ni Theo iti pinta, kambas, taraon, ken pagyanan idi di kabaelan ti<br />
pintor a gatangen a mismo dagitoy. Napudno ni Theo idinto nga awan ti pammati dagiti<br />
dadduma ken ni Vincent. Narikna iti sangalubongan ti pangaring ni van Gogh iti intero a<br />
lubong ti arte. Nakasab-it dagiti pintorana iti adu a kangrunaan a galeria iti adu a pagilian.<br />
Palagip iti mannursuro Imutektekam a saan a pagulidanan ti biag ni van Gogh. No agapaden ti agtutubo daytoy<br />
a kinapudno, ilawlawagmo a maitalimudok daytoy a panaglilinnawag iti pannakaidur-as<br />
ti talentona ken ti tulong a naawatna, a saan a ti intero a panagbiagna.<br />
Panangidatag ti<br />
mannursuro<br />
Ilawlawag nga adu kadatayo, ti kas ken ni van Gogh, nga addaan iti talento a makasapul<br />
iti pannakaidur-as, ngem no awan ti tulong ken pammaregta dagiti adda iti aglawlawtayo<br />
nalabit a ditayo pulos mapadur-as ida.<br />
Nalabit nga addaan ti tunggal maysa kadatayo iti van Gogh iti kaamaantayo a<br />
mabalintayo a tulongan babaen ti pannarabay ken pammaregtatayo.<br />
Naadaw a sao Ni Helen Lee Goates, ti babai nga anak da Presidente ken Sister Harold B. Lee, nangted iti<br />
pammadayaw:<br />
“‘Anian a nagannad ti panangtarabay [dagiti dadakkelmi] iti naganus a riknami<br />
maipanggep kadakami! No kadagidi immun-una a tawen a panangikalkalikagummi a<br />
masanay a naimbag kadagiti instrumento ti musika nangyeg ti pannakauppapay ken ti<br />
mapadpadaanan a pannakapaay, masansan a mapapigsakami babaen ti nasayaat,<br />
natibker a panangipanamnama da Tatang ken Nanang nga ammoda a naaramidmi ti<br />
kapintasan a musika iti daytoy a paset ti langit. Idi addakami iti baringring a<br />
kinaagtutubo, kadagiti di masinunuo ken inaldaw a pangta iti panagraem iti bagi,<br />
kanayon a maipalpalagip kadakami nga ay-ayatendakami da Nanang ken Tatang ken<br />
mamatida a dakami pay laeng ti kapintasan, kangrunaan a makaay-ayo nga agtutubo a<br />
babbai a nakitada. Iti kinasariritda a nagannak, nalabit nga ammoda a no ipapatida<br />
kadakami dagidiay a ladawan, ikagumaanmi ti agbalin iti kas iti kayatda a pagbalinanmi,<br />
ken iti ammoda a pakapagbalinanmi’” (iti Neal A. Maxwell, That My Family Should Partake<br />
[Salt Lake City: Deseret Book Co., 1974], pp. 56–57).<br />
• Kasano a maaramat dagiti agtutubo a babbai daytoy a pagbatayan iti nasayaat a<br />
pammaregta iti pannakilangenda kadagiti dadduma a kameng ti kaamaan?<br />
Ikkan dagiti babbalasitang iti panawen a paglilinnawagan ti sumagmamano a padas,<br />
nasayaat ken dakes, a nagun-odda maipapan iti talentoda ken kadagiti kameng ti<br />
kaamaan. Padasen nga ipaganetget a ti nasayaat a pammaregta ti kasapulan a pangriing<br />
iti pannakaidur-as iti ania man a talento. Mabalin a kayatyo nga idasig dagiti<br />
babbalasitang ti estoria ni van Gogh iti estoria ni Sister Goates tapno makita ti pangaring a<br />
maited ti tunggal kameng ti kaamaan iti talento ti sabali.<br />
Panaglilinnawag • Kasano a makaipaay iti pakaigidiatan ti tignay ken galadyo iti pagtaengan iti<br />
panangidur-as dagiti kabsatyo iti talentoda?<br />
• Apay a baybay-an no kua ti tao ti bagi ken ti talentona?<br />
Aramid Warasan ti tunggal agtutubo a babai iti lapis ken papel. Pakupin kadakuada ti papel nga<br />
immatiddog iti tallo nga agpapada a batog sa isurat ti “Nagan ti kameng ti kaamaan” iti<br />
ngato ti umuna a batog, “Dagiti talento” iti ngato ti maikadua a batog, ken “Ania ti<br />
maaramidko?”’ iti ngato ti maikatlo.<br />
Nasken nga isurat dagiti agtutubo a babbai ti nagnagan dagiti kameng ti kaamaan iti<br />
kanigid a batog, a manglibtaw iti nalawa a pagbabaetan dagiti nagan. Isingasing a<br />
panunotenda a naimbag no ania ti talento dagiti kameng ti kaamaanda. Isuro ida a<br />
mangisurat iti agdama ken mabalin a talento iti maikadua a batog. Paglilinnawagan dagiti<br />
wagas a mabalin a pakatarabayan dagiti agtutubo a babbai kadagiti kameng ti
Change language