Agtutubo a Babbai 1

Ballaag: Nasken a saan a sumrek iti daytoy a pannubok ti asino man a balasitang nga
adda pagkurangan ti bagina wenno nakaro a parikutna iti salun-at, ngem matulonganna
dagiti dadduma nga agbilang wenno agsurat iti puntosda.
MAISINGASING
A PANANGIDATAG
ITI ADALEN Ti Balasitang a Mangdaydayaw iti Bagina ken Agtarigagay nga Agbalin a Makaay-ayo
Taripatuenna ti Bagina
Ladawan,
panaglilinnawag,
ken nasantuan a
kasuratan
Puzzle ken
panaglilinnawag
Nasantuan a
kasuratan
Puzzle ken
panaglilinnawag
iti pisarra
Nasantuan a
kasuratan ken puzzle
Banag nga adalen
ken panaglilinnawag
Puzzle ken
panaglilinnawag
Iparang ti ladawan ti templo ken pabasa ti 1 Taga-Corinto 16–17. Ipaganetget a
nabilintayo a mangtaripato iti bagitayo.
Iparang ti ulo a benneg ti dakkel a puzzle ti pagidekketan wenno iti dakkel a paskil.
• Sadino kadagiti nasantuan a kasuratan ti pakasarakantayo iti pakaammo maipanggep
iti no kasano a taripatuentayo ti bagitayo? (Doktrina ken Katulagan 89, ti Nainsiriban a
Balikas.)
• Babaen ti Nainsiriban a Balikas, ania dagiti banag a rumbeng a ditayo ipauneg? (Arak
wenno naingel nga inumen, tabako, ken napudot a mainum, kangrunaanna, ti kape
ken tsaa.)
Mainayon iti panagtungpal iti Nainsiriban a Balikas, adu a sabali a banag ti maaramid ti
balasitang a mamagbalin ti templona a makaay-ayo, nadalus ken natarnaw. Pasapul ken
pabasa kadagiti babbalasitang ti Doktrina ken Katulagan 88:124 iti bagbagida.
• Ania ti ibaga kadatayo daytoy a nasantuan a kasuratan maipanggep iti
panangtaripatotayo iti bagitayo?
Pabasa iti napigsa iti maysa a balasitang ti maudi a kagudua dayta a nasantuan a
kasuratan manipud iti balikas a maturog.
Ikabil ti paset ti puzzle a namarkaan iti “inana” iti pagidekketan wenno paskil.
• Apay iti panagkunayo nga imbalakad ti Apo kadatayo a maturogtayo a masapa ken
agriingtayo a masapa?
• Ania dagiti pagimbagan ti maaddaan iti umdas nga inana? (Isurat dagiti sungbat iti
pisarra: makaaramid a nasaysayaat iti eskuela, naragragsak, nasaysayaat ti rikna,
napigpigsa, nasaysayaat ti langa.)
• Kasano a mabalin a makadangran ti nalabes a pannaturog?
Paukrad kadagiti babbalasitang ti Doktrina ken Katulagan 42:41 tapno maammuanda ti
sabali pay a wagas a pannakapagbalinda iti bagida nga ad-adda a makaay-ayo.
Ipaganetget a napateg ti kinadalus ti bagi ken ti dayaw. Inayon ti benneg a namarkaan iti
“panangdalus iti bagi” iti puzzle.
Iparang dagiti kasapulan iti panangdalus iti bagi. Ipaganetget nga ad-adda a makaay-ayo ti
tunggal maysa a nadalus ti ngipenna, kudil, ken buokna. Ilawlawag a makaay-ayo ti
makapasalibukag nga ayamuom, idinto a makasael ti agalling-et ken makasugkar nga angot
ti bagi. Paamiris kadagiti babbalasitang ti buok, kudil, kuko, ken ngipenda ket ikeddengda
no kasano a pasayaatenda ti panangdalusda iti bagida. Isingasing a mangpilida iti maysa a
nasayaat a galad ti panangdalus iti bagi nga aramiden iti sumuno a lawas.
Ikabil ti paset ti puzzle a namarkaan iti “taraon” iti pagidekketan wenno paskil. Ikkan ti
tunggal kameng ti klase iti papel ken lapis ket paisurat kadakuada iti uray no mano a
bunga ken nateng a kabaelanda nga isurat iti dua wenno tallo a minuto. Sa pabasa iti
balasitang a kaaduan ti naisurat ti insuratna. Pabasa kadagiti sabali a balasitang dagiti
insuratda a di nairaman, sa paisurat iti tunggal maysa iti listaanda ti dida nalagip. Penken
a nairaman iti listaan ti bunga ti kalamansi ken dagiti berde ken amarilio a nateng.
• Ania a kita ti taraon malaksid kadagiti bunga ken nateng ti kasapulantayo iti inaldaw?
(Tinapay ken bukbukel; karne, itlog, manok, wenno ikan; gatas ken sabali pay nga agtaud
iti gatas.)
173