Agtutubo a Babbai 1

• Sadino ti pakasursuruan kadagiti annuroten ti katulagantayo iti Nailangitan nga Ama?
Ilawlawag a dagiti nasantuan a kasuratan naglaon ti kaaduanna kadagitoy nga
annuroten. Ilawlawagda no ania ti namnamaen ti Nailangitan nga Ama nga aggapu
kadatayo ken no ania ti ikarina a kas supapak.
Pabasa iti nadutokan a balasitang ti Doktrina ken Katulagan 82:10. Ilawlawag a ti
yaawattayo kadagiti bendision agpannuray iti panangaramidtayo iti rebbengentayo iti
tulag. Mabalintayo a pagtalkan ti Nailangitan nga Ama nga awan kurangna.
Ilawlawag nga adu nga ordinansa ti kinasaserdote ti makasapul a makitulagtayo iti Apo
no awatentayo ti ordinansa.
Isurat ti balikas a dagiti ordinansa iti pisarra.
• Ania ti ordinansa?
Aramaten ti sumaganad a naadaw a sao a pangtulong kadagiti agtutubo a babbai a
mangawat no ania ti ordinansa.
“Ti ordinansa maysa a naindagaan a simbolo ti naespirituan a kinapudno. Gagangay
met a tignay daytoy a mangisimbolo iti katulagan wenno nagkinnarian iti Apo” (John A.
Widtsoe, Priesthood and Church Government, rev. ed. [Salt Lake City: Deseret Book Co.,
1954], p. 348; nainayon dagiti nagiray a balikas).
Dagiti ladawan Iparang dagiti ladawan ti panagbuniag, ti sakramento, ken ti templo. Ilawlawag nga
ordinansa amin ti panagbuniag, ti sakramento, ken ti panaglantip iti templo. No
awatentayo ida a saggaysa, ipakitatayo a natungpaltayo dagiti nalawag a banag a
nagkinnarian, wenno katulagan, iti Nailangitan nga Ama.
Dagiti nasantuan a Pabasa kadagiti agtutubo a babbai dagiti nasantuan a kasuratan a Moises 6:58–59 ken
kasuratan ken Lucas 22:19–20. Ilawlawag no kasano a ti simbolo dagiti ordinansa ti panagbuniag ken ti
panaglilinnawag
sakramento makatulong kadatayo a manglagip iti katulagantayo.
• Apay a napateg dagiti katulagan ken ordinansa ti ebanghelio? Apay a saan nga umdas ti
panagbalin laeng a nasayaat a tao?
Pabasa iti balasitang nga addaan iti Doktrina ken Katulagan 84:19–22 ti nasantuan a
kasuratan.
Panangidatag ti Ilawlawag a para iti pagsayaantayo ti tunggal katulagan ken ordinansa ti ebanghelio. Ti
mannursuro
panagtungpaltayo kadagiti katulagan ken pannakiraman kadagiti ordinansa makatulong
kadatayo iti panagsublitayo iti sidong ti Nailangitan nga Ama. Ti panangaramid
kadagitoy a katulagan, yaawat kadagiti sagrado nga ordinansa, ken napudno nga
panagtungpal kadagiti katulagantayo kasla umul-uli iti agdan nga inton agangay
mangisubli kadatayo iti Nailangitan nga Ama.
Naadaw a sao ken Pabasa iti balasitang ti sumaganad a naadaw a sao. Kabayatanna, iparang ti papel nga
ladawan wenno agdan wenno mangiladawan iti pisarra.
pisarra
“Idi nagbaniaga ni Jacob iti Haran manipud iti Beersheba, natagtagainepna ti bagina iti
daga iti arsadanan ti agdan a tumukno iti langit a pagtaktakderan ti Apo. Nakitana dagiti
anghel nga umuli ken umulog sadiay, ket naamiris ni Jacob a dagiti katulagan nga
inkarina iti Apo sadiay dagiti tukad ti agdan a nasken nga ulienna met tapno magunodna
dagiti naikari a bendision—bendision a mangted kenkuana iti kalintegan a sumrek
iti langit ken makipulapol iti Apo” (Marion G. Romney, “Temples—The Gates to Heaven,”
Ensign, Mar. 1971, p. 16).
Panaglilinnawag Paglilinnawagan dagiti katulagan a maibilang dagiti tukad ti agdan. Bayat ti
pananginagan dagiti agtutubo a babbai kadagiti katulagan, isurat ida kadagiti tukad ti
agdan. Mabalin a makatulong nga isingasing a panunoten dagiti agtutubo a babbai dagiti
katulagan a naaramid a mayappeng kadagiti ordinansa ti kinasaserdote a kas iti
panagbuniag ken panangpatalged, pannakiraman iti sakramento, pannakaorden iti
kinasaserdote dagiti agtutubo a lallaki, talugading, ken celestial a panagkallaysa.
(Mabalinyo nga idilig iti Mosiah 18:8–10; Doktrina ken Katulagan 20:37; 20:75–79;
84:33–34, 39–40; 132:6.)
Paglilinnawagan no kasano a no umawattayo kadagitoy nga ordinansa ken agbiag a
maibatay kadagiti katulagan maikkantayo iti kalintegan a “sumrek iti langit ken
makipulapol iti Apo” .
77