You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Panaglilinnawag<br />
iti pisarra<br />
Adalen 16<br />
Maika-2 nga Amirisen a Kasasaad<br />
Maragsakan unay ni Jennie iti panagsasaritada nga aggagayyem maipanggep kadagiti<br />
dadakkel a planoda para iti rabii ti Biernes. Sumagmamano nga aldawen a balabalaenda ti<br />
naisangayan a pangrabii iti balay da Julieta a pangrambakda iti panaggibus ti klase iti<br />
tawen. Adda met napintas a balabala ti tatang ni Jennie a presidente ti sanga, ken ti<br />
manongna a ni David, a kaor-orden a saserdote, iti rabii ti Biernes. Iti naiputputong a<br />
sangada iti Kenai, Alaska manmano nga adda maisar-ong a Nangato nga Agrebbeng.<br />
Plinanoda iti dayta a Biernes a mapanda idiay Anchorage, tapno tumaripnongda iti<br />
panagpalpaliwa ken taripnong dagiti agaama iti pasok nga adda maysa a kaduada a<br />
Nangato nga Agrebbeng. Magagaran unay ti tatang ni Jennie ta kas maysa a baro a<br />
dadaulo ti kinasaserdote adu ti kayatna a saludsoden.<br />
Idi dimteng ti Biernes, nagawid ni Jennie iti aldaw nga agdardaras manipud iti eskuela.<br />
Idi makasangpet, nadatnganna a naliday ti amana ken ni David. Agtrangkaso ti nanang ni<br />
Jennie ket dina kabaelan nga aywanan dagiti babassit a kakabsatna. Malaksid iti dayta, idi<br />
agisagsagana ni David kadagiti masapulna, naisab-it iti lansa ti bag a pagturoganna ket<br />
napigis. Pudno a madlawen ti agari a liday. Kasla saanen a pagduaduaan a saandan a<br />
makataripnong iti komperensia.<br />
Dawaten kadagiti agtutubo a babbai nga ilugarda ti bagida iti sasaaden ni Jennie ket<br />
ileppasda ti estoria. Pagpanunoten dagiti agtutubo a babbai iti bendision a mabalin a<br />
maipaay ni Jennie iti kaamaan ken iti sangana no ikeddengna ti agbati iti balay ket saanen<br />
a mapan iti paskenda tapno tulonganna laengen ni nanangna. Mabalin a mainayon ditoy<br />
ti espiritu ti panagsakripisio a mapadasanna, ti pammaregta ken pangiwanwan a maawat<br />
ni tatangna a tumulong kenkuana a mangipatungpal iti rebbengenna a kas baro a<br />
dadaulo ti kinasaserdote, ti padas a mabalin a pakaragsakan ni David, ken ti panagdayaw<br />
ni David kenkuana.<br />
Aramaten ti ania man kadagiti sumaganad a saludsod a pangawis iti ad-adu a<br />
panaglilinnawag:<br />
• No agbati ni Jennie iti balay, kasano ti pannakatulongna iti amana?<br />
• Ania iti panagkunayo ti rikna ni David kenkuana?<br />
• Ania ti pakaigidiatanna no aramidenna daytoy a sakripisio a siaannugot ken siraragsak<br />
imbes a makasuron koma?<br />
• Ania ti maibati ti pagariganna iti panunot dagiti babbabassit nga ubbing iti kaamaan?<br />
• Ania ti maaramidyo a kas agtutubo a babai iti napasnek a panangtulongyo iti agtutubo a<br />
lalaki nga addaan iti kinasaserdote? Isurat ti kapanunotan dagiti agtutubo a babbai iti<br />
pisarra. Mabalin a mairaman dagiti sumaganad:<br />
1. Ipamaysa dagiti napintas nga aramidna.<br />
2. Mangnayon iti kapanunotan.<br />
3. Tratuem iti kayatmo a pagbalinanna.<br />
4. Dumngegka.<br />
5. Agtalinaed a napudno iti pammadayawmo.<br />
6. Tulongam kadagiti proyekto ken akemna.<br />
7. Agtalinaed a mamagbaga, no madawat.<br />
8. Aramidem ti naidutok kenka.<br />
9. Kanunongam babaen dagiti kararagmo.<br />
Panangigibus<br />
Naadaw a Sasao Basaen dagiti sumaganad a sao:<br />
“Awan ti maidaddaduma a tao wenno seks iti uneg iti pudno a Simbaan ni Cristo; ken iti<br />
kinapudnona awan ti mangidumduma iti lalaki wenno babai malaksid no aramiden wenno<br />
ipalubos ti tao. Adda aramid dagiti lallaki nga iwakasda ken bileg nga aramatenda para iti<br />
pagimbagan dagiti amin a kameng ti Simbaan aniaman ti katatao wenno tawenna.<br />
73
Change language