Agtutubo a Babbai 1

Means to Establish a Relationship with Christ,” iti Speeches of the Year, 1977 [Provo:
Brigham Young University Press, 1978], p. 91).
Naadaw a sao Sabali pay a dadaulo ti Simbaan ti nangted iti umasping a palawag:
“No sarangten ti tao ti bukodna a pagkapsutan ar-aramidenna ti katan-okan a dangadang
a maaramid ti asino man a nagbiag. Ti gunggona nga agtaud iti panagballigi iti daytoy a
pannakiranget ti kaibturan, kaimnasan, ken kapintasan pay laeng a padas ti tao” (Bryant
S. Hinckley, That Ye Might Have Joy [Salt Lake City: Bookcraft, 1958], p. 83).
Panaglilinnawag
iti pisarra
200
• Kaipapanan kadi laeng ti nalinteg a panagbiag ti panagbiag a di agbasol?
• Ania pay ti iramanna? Ilista iti pisarra ti sumagmamano kadagiti wagas a panagbiagtayo
a nalinteg.
Sumagmamano a pagarigan dagitoy: panangikumit iti pagrugian a pagbatayan ti
Kristiano kas iti kinapudno iti bagi ken kadagiti dadduma, kinaimbag, kinatarnaw,
pammati, kinamatalek, kinaemma, panagserbi kadagiti dadduma.
Pasapul ken pabasa kadagiti agtutubo a babbai ti Doktrina ken Katulagan 121:45.
Paglilinnawagan ti binatog a “sa kalpasanna mapapigsa ti panagtalekmo iti kaadda ti
Dios.” Tulongan dagiti agtutubo a babbai a mangawat a no agbiagda a nalinteg
maaddaanda iti panangipateg iti bagida ket mabalinda ti sumango kadagiti dadakkelda,
obispo, ken Nailangitan nga Amada a nadalus ti pakinakemda.
Iturong ti imatang iti sangabotelia a daga ken danum ket ibaga a natalinaayen,
mangrugin nga agarinsaed ti rugit iti tukot lumitlitnawen ti danum.
Panangidatag ti
mannursuro
Panaglilinnawag Paglilinnawagan ti natalinaay ken makaited iti namnama a bunga ti panangsurot kadagiti
pagbatayan ti kinalinteg a naisurat iti pisarra.
Isalaysay ti sumaganad nga estoria a tumulong kadagiti babalasitang nga umawat no
kasano nga umay ti talinaay iti nalinteg a panagbiag.
Estoria Ni Marie ti inaunaan kadagiti lima nga ubbing. Agpannuray unay ni nanangna iti
tulongna kadagiti in-inaudi nga ubbing ket ninamnamana a makapaganus ken naayat
kadakuada manipud pay idi bassit. Nabannogen ni Marie iti adu unay a pagrebbenganna
kadagiti kabsatna, aglalo ita a natataenganen ken adun ti pakaipulpulapolanna a
gagayyem ken aramid. Mangrugin a kaumana dagiti kakabsatna ket saanen a nasayaat ti
panangsangona kadakuada. Ikkisanna ida ken ibagana nga umadayo ken adaywanda
nga agmaymaysa tunggal asitganda a dumawat iti maysa a banag. Saannan a kasarsarita
ida maipanggep iti aramidda ken dina payen ida pastreken iti kuartona. Dinan kayat ti
agawid kalpasan ti klase; mapan ketdi iti balay dagiti gayyemna tapno maliklikanna ti
agaywan “kadagidiay alikuteg nga ubbing.” Madlawna no dadduma ti naladingit ken
malmalday a langa iti matada no makitana ida iti sango ti panganan, ngem dina
impalubos dayta a mangbaliw iti wagas a panangtratona kadakuada.
Estoria Nadlaw ni Nancy a ti baket nga agindeg iti ngudo ti kalsada ti maysa kadagiti pannubok iti
biagna. Magmaymaysa nga agbibiag ni Misis Smith ket masansan a kasapulanna ti tulong ti
balay ken iti paraanganna. Natulonganen ni Nancy iti sumagmamano a daras, ngem no
aramidenna, saan la nga agdalus iti balay ken iti paraangan, ngem nasken pay a dumngeg
iti sarsarita ni Misis Smith iti no mano nga oras. Narikna ni Nancy a sayang laeng ti oras, ket
kaykayatna nga amang ti makilang-ay kadagiti gayyemna. Dinawat ti nanang ni Nancy a
padasenna ti ageksperimento. Dinawatna a padasen ni Nancy ti mapan iti balay ni Misis
Smith iti maysa laeng a malem iti makalawas ket saan la nga agdalus iti balayna, ngem
napudno a dumngeg iti baket ken padasenna nga awaten dagiti banag nga ibagbagana.
Imbagana a makabulan la nga aramiden ni Nancy ti kastoy, kalpasanna mabalinnan nga
isardeng no kayatna. Inkeddeng ni Nancy a padasen ti eksperimento tapno sumardengen
ni nanangna a mangringringgor kenkuana maipanggep ti ipapanna iti balay ni Misis Smith.
Iti umuna a lawas, inkarigatanna ti dimngeg ken ni Misis Smith, ket nariknana ti
sangkabassit a pannakipagriknana iti baket iti pannakabigbigna iti kinarigat ti panagbiag
daytoy. Iti simmaruno a lawas bayat ti panagdalus ken panagdengngegna, nangrugi a
nabigbigna a dakkel ti nasursuro ni Misis Smith kadagiti amin a padasna ket saan met gayam
unay makauma. Idi aggibus ti bulan, saan la nga ayat ken panagdayaw ti nariknana ken ni
Misis Smith, ngem nariknana a pudno a napateg iti maysa a makasapul unay kenkuana.