Agtutubo a Babbai 1

“Kasta met ti babai: Maaramat dagiti naisangayan a sagut kenkuana para iti pagimbagan
ken pakaitag-ayan ti puli. Daytoy agpatas a pagrebbengan ti mamagbalin kadagiti lallaki
ken babbai a pudno nga ‘agkatakunaynay’ a mangidur-as iti sangkataw-an. Agsinnaranay
ti tunggal maysa ket awan kadakuada ti makapagwaywayas nga agtignay a naan-anay iti
aramid ti lubong” (Priesthood and Church Government, comp. John A. Widtsoe [Salt Lake City:
Deseret Book Co., 1939], p. 92; nainayon dagiti nagiray a balikas).
“Iti kaano man iti pakasaritaan saan a nananam dagiti babbai ti wayawaya ti panunot ken
aramid a kas iti naited kadagiti babbai iti daytoy a Simbaan. Manipud iti aldaw a
pannakaisublina naiteden kadagiti babbai ti naan-anay a kalintegan iti relihion, ket
kadagiti templo ti naisubli nga Ebanghelio saan a mabalin ti lalaki ti makiraman kadagiti
kangatuan nga ordinansa no awan ti kapisina iti sibayna. Iti amin a tun-oyen iti biag
naited kenkuana ti naan-anay a wayawaya.
“Daytoy ti nangted iti babai iti naindaklan a pagrebbengan a, no raemen ken aramatenna,
manayonan ti bilegna; ngem no dina ikaskaso wenno tagtagibassitenna wenno dina
padakkelen, mabalin a mapukawna ti adda kenkuana itan ket maibabawi ti tawidna. Iti
daytoy naindaklan a gundaway nasken nga agnanayon nga agyaman dagiti babbai iti
daytoy a Simbaan ket sitatallugodda a mangaramat ken mangipateg iti daytoy napateg
ken di magatgatadan a pannakilangen. No ad-adu ti maited, ad-adu ti namnamaen”
(Leah D. Widtsoe, Priesthood and Womanhood, kas naadaw iti Priesthood and Church
Government, comp. John A. Widtsoe, pp. 90–91).
Pammaneknek Ipakaammo kadagiti agtutubo a babbai ti rikna ken panagyamanyo iti pannakilangenyo
iti kinasaserdote. Tulonganyo ida a makakita a tunggal maysa kadakuada ket mabalinda a
bendisionan ti biag dagiti adda iti aglawlawda nga addaan iti kinasaserdote. No
aramidenda daytoy, maawatda ti bendision ti kinasaserdote ket maaddaanda iti nainindaklan
a kabaelan a mangipatungpal kadagiti bukodda a pagrebbengan.
74
Maisingasing nga Aramiden Dagiti Agtutubo nga Agtawen iti Nasursurok ngem
Sangapulo-ket-innem
Awisen dagiti agtutubo a lallaki a makiraman kadagiti agtutubo a babbai iti naisangayan
nga aramid. Aramaten dagiti pagbatayan a naisuro iti daytoy nga adalen iti
panangbuangay ken panangileppasyo iti aramid. Penken nga adda aramid a naited iti
tunggal maysa tapno agballigi ti aramid. Mabalin nga aramiden ti sumaganad:
Maaddaan ti gunglo iti panaglilinnawag iti wagas a pakatulongan dagiti agtutubo a
babbai kadagiti agtutubo a lallaki nga agraem ken mangipateg iti kinasaserdote ket
agsaganada nga agmision.
Mangangaykayo iti pannagna ken panamigat iti apagsingising ti init.
Tulongan dagiti agtutubo a lallaki nga agsagana nga agmision babaen ti panangisuro
kadakuada nga agaramid iti tinapay wenno sabali a kangrunaan a taraon.
Iti pannakipagtrabaho kadagiti dadaulo ti kinasaserdote, mangpili iti proyekto ti serbisio a
tumulong kadagiti kameng wenno saan a kameng iti lugaryo.