Create successful ePaper yourself
Turn your PDF publications into a flip-book with our unique Google optimized e-Paper software.
144<br />
kadagiti dadduma ken ti bagina a mismo’” (Ardeth G. Kapp, inadaw ni Avant, Church<br />
News, 3 Dec. 1977, pp. 9, 14).<br />
Naadaw a sao Gagangay iti ub-ubing nga ummong ti agessem iti aramid ti ragup, no saanda a<br />
naigangganat wenno ubing unay a nagessem kadagiti sabali a wagas, ket makaay-ayo ken<br />
makalinglingay dagiti aramid a pagaliwaksayan ti ragup. Mapasayaat ti talged ti bagi ken<br />
dayaw iti kaadu ti gayyem. Saan la a makaipaay iti nabuslon a ragsak dagiti nairanta nga<br />
aramid a pagaliwaksayan ti ragup ngem ad-adda pay a pakairanudan.”<br />
Putden ti pannakaibasa daytoy a naadaw a sao manipud ken ni Presidente Kimball, ket<br />
pagdenggen a nasayaat dagiti babbalasitang kadagiti kapanunotan nga insingasing ni<br />
Presidente Kimball para kadagiti aramid ti ragup.<br />
No nairugiyon nga insurat iti pisarra dagiti pagimbagan ti aramid ti ragup, mangtuding iti<br />
sabali a kameng ti klase a mangnayon iti daytoy a listaan bayat ti pannakaituloy a mabasa ti<br />
naadaw a sao ni Presidente Kimball. No saan, paisurat kadagiti babbalasitang a bukbukodda<br />
sa paadal manen babaen ti panangisao kadagiti pagimbagan kalpasan ti panagbasa.<br />
Ituloy ti naadaw a sao “Mabalin a makaparnuay iti panaggagayyem dagiti panagtitipon nga aglilinnawag, ken<br />
mangparegta iti rikna ken mangsanay iti panunot. Makadisiplina dagiti piknik ti ragup<br />
kadagiti agtutubo iti nalanay a wagas ken makapasinged ken agtultuloy ti nasinged a<br />
panaggagayyem.<br />
“Makapapigsa ken makapatibker iti bagi ti ay-ayam. Sanayenda ti kaunggan a sumango<br />
kadagiti pakarikut ken pannakaabak ken balligi, mangisuro iti saan a panagimbubukod<br />
ken pannakaawat, ken pasayaatenna ti naimbag a pannakiay-ayam ken panimbeng iti<br />
pannakiraman ken panagbuya. Mabalin nga idur-as ti drama ti kabaelan, mangisuro iti<br />
panagparbeng, ken pasayaatenna ti pannakikadadua ken pannakigayyem. Dagiti met<br />
aramid ti ragup iti musika mayarngi ti ibungada a mapalukneng ken mapagluomna ti<br />
kaunggan ken mapnekna dagiti kasapulan iti kinapintas. . . .<br />
“Mangipaay dagiti nasayaat a nabuangay a salsala kadagiti mainugot a lugar, makaay-ayo<br />
a panawen ken nawaya a kasasaad a pakaam-ammuan kadagiti kabarbaro a tao ken<br />
mangnayon iti gagayyem. Mabalin ida a pagtaudan ti ragsak. Iti rabii dagiti makaay-ayo a<br />
salsala ken panagpapatang, mabalin ti maysa a tao (a makiam-ammo) iti adu a makaayayo<br />
nga agtutubo, a tunggal maysa addaan iti madaydayaw a galad ken mabalin a<br />
naipangruna iti asino man a kadua iti sumagmamano a gupit. Ditoy mabalin a rugian<br />
dagiti agkaasmang nga adalen ken tingitingen, dagiti tumpaw a gupit, naragpat ken<br />
pakaipangpangrunaan babaen ti panangidilig ken panangigidiat. Mabalin a dayta kasta a<br />
pangtingitingan iti pannakigayyem ti pangrugian ti nainsiriban, panagpili, sagpaminsan a<br />
pannakisinnarak kadagidiay umdasen ti tawen ken nakemna, a sarunuen daytoy no<br />
agangay iti umno a panawen ti masansan a pannakisinnarak, sa iti agangay ti umno a<br />
pannakiinnarem nga agbanag iti naragsak, di aggibus a kallaysa” (Spencer W. Kimball,<br />
The Miracle of Forgiveness [Salt Lake City: Bookcraft, 1969] pp. 221-122 ).<br />
Panangtingiting<br />
iti kabaelan<br />
Mangangay iti pakaaramidan ti panangtingiting iti kabaelan kadagiti baro a kapanunotan<br />
para kadagiti aramid ti ragup. Ilawlawag dagiti sumaganad nga annuroten para iti<br />
panangtingiting iti kabaelan:<br />
1. Agbalin a managparnuay. Awan ti iwaksi a kapanunotan.<br />
2. Mangpanunot iti sumagmamano nga aramid a gagangay nga aramiden dagiti babbarito<br />
a mabalin a pakairamanan dagiti babbalasitang, ken aramid dagiti babbalasitang a<br />
pakairamanan dagiti babbarito.<br />
3. Panunoten dagiti aramid a mabalin a makaay-ayo ken kasta met a mangidur-as iti<br />
panagtalek ken kabaelan a makilangen iti gimong (kas iti panangadal iti nawaya a<br />
pannakisarsarita, panangadal iti umno nga ugali, ken dadduma pay).<br />
Mabalin a makatulong dagiti sumaganad a kapanunotan a pangparegta iti panaglilinnawag:<br />
Panagsasalip<br />
Kadagiti bunggoy a naglalaokan dagiti agtutubo a lallaki ken babbai iti agsumbangir,<br />
agsasalip iti ania man a kita ti ay-ayam, lumba, wenno salisal. No pilienyo ti agaramid iti<br />
maysa a banag a kabarbaro kadagiti dadduma, penken a maikkanda nga umuna iti umdas<br />
a pangiwanwan. Mabalin nga aramiden ti kas iti salisal iti ahedres, ay-ayam iti balibol<br />
wenno salisal iti panagplansaan a pakaplansaan ti maysa a bado iti naituding a kanito.