udhezues gjuha 5

Libër mësuesi
Mësuesi/ja i sqaron nxënësit se në kohën e përbërë folja është e përbërë nga folja
kam dhe jam e cila ndryshon formë sipas kohës dhe nga pjesorja e foljes.
Mësuesi/ja paraqet një listë me folje, të cilat nxënësit i thonë në kohë të përbëra dhe
mësuesi/ja shkruan përbri pjesoren. Mirë është të plotësohet një tabelë:
folja folja në kohë të përbërë pjesorja
laj kam larë larë
luaj kisha luajtur luajtur
punoj pata punuar punuar
dëgjoj do të kem dëgjuar dëgjuar
rri kam ndenjur ndenjur
mbjell kam mbjellë mbjellë
Ushtrimi bëhet në mënyrë intuitive.
Punohen ushtrimet e rubrikës Ushtrohu. Lëviz. Ndalo. Krijo dyshe.
Ushtrimi 1 nxënësit nënvizojnë me të kuqe foljet në kohët e thjeshta dhe me të
kaltër foljet në kohët e përbëra.
Në kuti shkruajnë Th për kohët e thjeshta dhe P për kohët e përbëra.
Në ushtrimin 2 nxënësit plotësojnë tekstin me folje në kohët e thjeshta dhe të
përbëra.
Reflektimi.
Nxënësit punojnë ushtrimin 3. Duhet të shkruajnë 4 fjali më foljet vrapoj, harroj,
këndoj, shaj në kohët e përbëra. Vazhdon puna në dyshe. Nxënësit punojnë në
mënyrë të tillë: Njëri nxënës vendos dy foljet e para në kohë të përbëra. Shoku
krijon fjali. Më pas ndërrojnë rolet.
Lexohen dhe vlerësohen punimet e tyre.
Detyrë shtëpie. Punimi i ushtrimeve të Fletores së punës.
Rubrika: Lexojmë
Tema: Përmes mimozave
Objektivat pedagogjikë: Në fund të orës së mësimit nxënësi të jetë i aftë:
• Të lexojë tregimin me intonacion.
• Të lexojë fjalorin e fjalëve të reja.
• Të tregojë brendinë e tregimit duke u bazuar në pyetjet.
• Të shprehë ndjesitë që i krijohen duke imagjinuar veten në vendin e
ngjarjes.
• Të nxjerrë mesazhin e tregimit duke u bazuar në veprimet e gjirafës dhe
leopardit.
169