udhezues gjuha 5

Metoda
4. Caktoji nxënësit në grup të plotësojnë një grafik organizues me informacione të
njohura, përpara se ta zbatojnë me informacione të reja.
5. Kërko opinionin e nxënësve se çfarë u pëlqen nga grafiku dhe si mund ta përdorin
për qëllime të tjera.
6. Krijoju mundësi nxënësve të përdorin grafikun organizues.
7. Inkurajoji nxënësit të ndërtojnë grafikët e tyre organizues.
8. - Fjalët e reja
Vështrim i përgjithshëm mbi metodën
Kjo metodë përdoret zakonisht para leximit. Ajo i njeh nxënësit me fjalët kyç, duke i
lejuar të kenë njohuri paraprake për temën. Nxënësve u kërkohet t’i ndajnë fjalët sipas
kategorive, duke justifikuar veprimin e tyre ne bazë të njohurive të mëparshme. Kjo
metodë funksionon më mirë me tekst joartistik.
Procedura e metodës:
1. Në tabelën e zezë, shkruaji 6-10 fjalë të reja ose të pazakonta nga teksti, duke i
shpërndarë fjalët rreth titullit të tregimit.
2. Lexo me zë të lartë së bashku me nxënësit çdo fjalë.
3. Kërkoju nxënësve të punojnë në grupe. Nxënësit duhet të klasifikojnë fjalët në grupe
duke argumentuar pse disa fjalë shkojnë së bashku.
4. Kërkoju nxënësve të shkëmbejnë grupimet e tyre të fjalëve dhe arsyetimin me
klasën.
5. Kërkoju nxënësve të bëjnë parashikime se për çfarë mund të bëjë fjalë teksti bazuar
në fjalët e reja.
6. Nxënësit duhet ta lexojnë tekstin me zë të ulët. Kërkoju të konfirmojnë ose të
mendojnë parashikimet e tyre tashmë në bazë të asaj që kanë lexuar.
9.- Lexo-Çifto- Shkëmbe
Vështrim i përgjithshëm mbi metodën
Metoda e leximit, Lexo-Çifto- Shkëmbe, është e bazuar në idenë që lexuesi përmbledh
dhe qartëson më lehtësisht me mbështetjen e shokut. Përmbledhja i ndihmon nxënësit
të tregojnë kuptimin e mirëfilltë të tekstit, dhe qartësimi i ndihmon të pyesin dhe t’u
përgjigjen pyetjeve mbi tekstin.
Procedura e metodës:
1. Zgjidh një tekst për nivelin e nxënësve. Ndaje tekstin në pjesë dhe shëno vendet ku
nxënësit do të ndalojnë për diskutime. Shpërndajua tekstin nxënësve.
2. Ndaji nxënësit në çifte. Cakto një nxënës në çdo çift të jetë përmbledhësi dhe tjetri
të jetë sqaruesi.
3. Modelo procedurën me pjesën e parë të tekstit, duke marrë si partnerin tënd një
nxënës të mirë. Nxënësit lexojnë një pjesë të tekstit me zë të ulët dhe pastaj ndalojnë
të përmbledhin e të sqarojnë. Përmbledhësi ripërkufizon idetë e rëndësishme shkurt,
ndërkohë që sqaruesi dëgjon dhe pyet (bën pyetje sqaruese). Pastaj sqaruesi shton
7