udhezues gjuha 5

Libër mësuesi për tekstin “Gjuha shqipe 5”
•
•
Të nxjerrë mesazhin e trimërisë, zgjuarsisë dhe zemërgjerësisë së Mujit duke
u bazuar në veprimet e tij.
Të dallojë ligjëratën e drejtë nga dialogu.
Mjete: teksti i nxënësit, libri i shkrimtari Mitrush Kuteli “Përralla të moçme
shqiptare”, shkumësa me ngjyra.
Fjalë kyç: cung, besë, idhnake, peng, petka, terr, thep më thep, krep më krep,
zanë.
Aftësitë: të lexuarit, të ritreguarit, të analizuarit.
Metodologjia: bisedë e kombinuar, lexim, shpjegim, diskutim, analizë, punë
dyshe, punë e pavarur, punë e drejtuar.
Zhvillimi i mësimit
212
Hapi I. U paraqitet nxënësve libri i Mitrush Kutelit “Përralla të moçme shqiptare”.
Flitet shkurt për disa nga përrallat dhe përqendrohet vëmendja te përralla “Muji,
nusja dhe zanat idhnake” e mësuar në klasën e katërt.
Hapi II. Lexohet nga mësuesi/ja përralla dhe nxënësit i mbajnë librat mbyllur.
Hapen librat. Fillohet leximi nga mësuesi/ja dhe vazhdohet nga nxënës që lexojnë
bukur. Nxënësit e tjerë ndjekin leximin dhe nënvizojnë me laps fjalët e panjohura
për ta. Sqarohen bashkë me nxënësit fjalët e shprehjet e reja të panjohura.
Këto fjalë e shprehje sqarohen në dërrasë të zezë duke përdorur shkumësa me
ngjyra.
Ndërtohen fjali me to nga nxënës të niveleve të ndryshme.
Hapi III. Lexohet tregimi pjesë-pjesë nga nxënës të mirë dhe bëhet analiza
duke u mbështetur edhe në pyetjet e rubrikës Kupto përmbajtjen.
Shpjegohet se zanat idhnake do të thotë zanat hakmarrëse, inatçie,
inatçore.
Hapi IV. Nga pyetjet e rubrikës Nxirr mesazhin mund të dalin këto përgjigje:
Na tërheq personazhi i Mujit, sepse është i zgjuar, dëgjon urtë, kuvendon
edhe më urtë. Muji është trim, i besës dhe zemërgjerë.
Kushti që u vuri Muji zanave ishte që t’i lironin nusen robinë, t’i kthejnë në
jetë krushqit me gjithë kuaj. Në këmbim të këtyre ai do t’i lëshonte dhitë e
egra të mbajtura peng. Zanat i dhanë besën Mujit se ai nuk kishte faj. Ai i
detyroi zanat të mos i bëjnë keq askujt.
Veprimi i Mujit tregon trimërinë, zgjuarsinë dhe zemërgjerësinë e tij. Ai
ishte i zgjuar se zbuloi ku e kishin fuqinë zanat. Ishte trim e i vendosur se
u dërgoi mesazh zanave të shkëmbit të mos bëjnë padrejtësi. Muji është
kryetrimi, prandaj i zbuti zanat idhnake dhe ua fali bjeshkët njerëzve.
Hapi V. Punë në dyshe: ushtrimi 9 faqe 240, sipas kërkesës dhe ushtrimi 10
faqe 240, sipas kërkesës së tyre.
Punë e pavarur: ushtrimi 11 faqe 240. Kontrollohet e vlerësohet puna e nxënësve
të të gjitha niveleve.
Punë e drejtuar: ushtrimi 12. Aktivizohen nxënës të ndryshëm të shikojnë dhe një