udhezues gjuha 5

Realizimi i kuptimit.
Libër mësuesi
Hapi I. Edhe Naim Frashëri ka shkruar shumë fjalë të urta për të rritur e për
fëmijë. Tregohen disa vepra të botuara të Naim Frashërit. Lexohen disa fjalë të urta.
Lihen nxënësit të mendohen dhe të shkëmbejnë mendime rreth vlerës së tyre.
Hapi II. Bëhet leximi shprehës nga mësuesi/ja i të gjitha fjalëve të urta. Lexohen
fjalët e urta nga një nxënës i nivelit të lartë dhe nxënësit e tjerë nënvizojnë fjalët e
shprehjet e reja të panjohura për ta.
Sqarohen fjalët e shprehjet e reja të panjohura duke u mbështetur në fjalorin e tekstit.
Shkruhet kuptimi i tyre në dërrasë të zezë duke përdorur shkumësa me ngjyra.
Hapi III. Lexohen fjalët e urta për çdo strofë. Lihen nxënësit e niveleve të
ndryshme të mendohen e të shkëmbejnë mendime rreth çdo fjale të urtë.
Reflektimi
Hapi I. Punë në dyshe: Për secilën strofë shkruani nga një këshillë me fjalët tuaja.
Hapi II. Punë e drejtuar: Dallo llojin e rimës në strofat e mësipërme.
Përgjigjet përfundimtare të nxënësve duhet të jenë këto:
- Te strofa e parë është përdorur rima e kryqëzuar (ABAB), sepse vargu i parë rimon
me të tretin dhe vargu i dytë me të katërtin.
- Te strofa e dytë me tri vargje kemi rimën me skemë AAB.
- Te strofa e tretë, e katër, e pestë dhe e gjashtë është përdorur rima e alternuar me
skemën ABAB, sepse vargu i parë rimon me të tretin, kurse vargu i dytë rimon me
të katërtin.
- Strofa e fundit është ndërtuar me rimë ABAB, pavarësisht se vargu i tretë ka një
shkronjë më shumë (parë – shqipëtarët).
Bëhet përmbledhja e vlerësimi për orën e mësimit.
Detyrë shtëpie. Jepet të shkruajnë pesë fjalë të urta dhe të thonë vlerën e tyre.
Rubrika: Njohuri gjuhësore
Tema: Gjuha standarde dhe dialektet
Objektivat pedagogjikë: Në fund të orës së mësimit nxënësi të jetë i aftë:
• Të lexojë poezitë dhe tregimet e dhëna.
• Të dallojë shkrimin në dialekt dhe në gjuhën standarde në krijimet e dhëna.
• Të dallojë veçoritë gjuhësore të gegërishtes, toskërishtes dhe gjuhës standarde
në tekstet e dhëna me ndihmën e mësuesit/es.
• Të diskutojë për vlerat e dialekteve në pasurimin e fjalorit të gjuhës shqipe me
ndihmën e mësuesit/es.
Mjete dhe materiale burimore: teksti i nxënësit, shkumësa me ngjyra, Fjalor i
gjuhës shqipe, Fjalor drejtshkrimor i gjuhës shqipe.
Fjalë kyç: gjuhë standarde, dialekt.
Aftësitë: të lexuarit, të menduarit, të diskutuarit.
Metodologjia: bisedë e kombinuar me shpjegim, lexim i imët, mendo – shkëmbe
mendime, punë e drejtuar, punë në dyshe.
219