udhezues gjuha 5

Libër mësuesi për tekstin “Gjuha shqipe 5”
Në ushtrimin 2 nxënësit nënvizojnë me të kuqe grupin e kryefjalës dhe me blu
grupin e kallëzuesit.
Në ushtrimin 3 nxënësit dallojnë përbërësit e grupit të kryefjalës dhe të grupit të
kallëzuesit.
Reflektimi: Lojë në dyshe.
Përgatit një fjali të thjeshtë të zgjeruar, ku të jetë zgjeruar edhe kryefjala dhe
kallëzuesi. Çfarë mendon se duhet të gjejë ai?
Të njëjtën gjë duhet të bëjë dhe shoku për ty.
Vlerësoni njëri-tjetrin.
Detyrë shtëpie. Punohen ushtrimet në Fletoren e punës f....
KAPITULLI v
Pasqyra e përrallave
Rubrika: Të lexojmë
Tema: Perënditë në Olimp
Objektivat pedagogjikë: Në fund të orës së mësimit nxënësi të jetë i aftë:
• Të lexojë mitin me intonacion, duke respektuar shenjat e pikësimit.
• Të dallojë veçoritë e një miti, perënditë si personazhe të mitit.
• Të analizojë elementet fantastike dhe reale të mitit, duke i ilustruar me pjesë
nga teksti.
• Të krahasojë shpjegimin fantastik të mitit me atë shkencor të dukurive të
natyrës.
• Të shprehë pëlqimin ose mospëlqimin e tij për mitin duke dhënë arsyet.
Mjete: teksti, pjesë nga mitologjitë greke, pamje të ndryshme të perëndive,
veshje të ndryshme.
Fjalë kyç: perëndi, mit, hyjni, ciklop, Olimp, Fata, monopat, ylber, fantastik,
shkencor.
Aftësitë: të lexuarit, të dalluarit, të krahasuarit, të interpretuarit, të analizuarit.
Metoda: pyetja e ditës, lexo-kupto-analizo, lojë në role.
Zhvillimi i mësimit
186
Evokimi: pyetja e ditës.
Pyeten nxënësit: - Ç’dini për mitet?
Shkruhen idetë e nxënësve në tabelë.
- Kanë lindur nga njerëzit primitivë.
- Njerëzit shpjegonin me mitet dukuritë e natyrës
- Dukuritë e natyrës, si: shiu, bora, stuhia, tërmetet etj., shpjegoheshin sikur
drejtoheshin nga perënditë (hyjnitë, zotat).