udhezues gjuha 5

Libër mësuesi
Rubrika: Njohuri gjuhësore
Tema: Kundrinori i zhdrejtë me parafjalë
Objektivat pedagogjikë: Në fund të orës së mësimit nxënësi të jetë i aftë:
• Të dallojë kundrinorët e zhdrejtë me parafjalë me ndihmën e pyetjeve.
• Të dallojë me se shprehet kundrinori i zhdrejtë me parafjalë në fjali të
ndryshme.
• Të përdorë pyetjet për të gjetur kundrinorët e zhdrejtë me parafjalë në fjali
të ndryshme.
• Të ndërtojë 5-6 fjali duke përdorur kundrinorë të zhdrejtë duke u
mbështetur në pyetjet e dhëna.
Mjetet: teksti i nxënësit, Fletore pune, tabelë, shkumësa me ngjyra.
Fjalë kyç: kundrinor i zhdrejtë me parafjalë, pyetjet: me kë?, nga kush?,
prej kujt?, për kë (cilin, cilën, cilët, cilat)?, në vend të kujt?, kundër kujt?
Aftësitë: të kuptuarit, të pyeturit, të krijuarit, të lexuarit.
Metodologjia: stuhi mendimesh, diskutim, punë në çift, punë e drejtuar,
punë e pavarur, organizuesi grafi k.
Zhvillimi i mësimit
Hapi I. Kontrollohen e diskutohen detyrat e shtëpisë. Mblidhen disa fl etore për
t’u korrigjuar hollësisht, për t’u pajisur me shënime dhe për t’u vlerësuar me notë.
Hapi II. Stuhi mendimesh. Nxiten nxënësit e nivele të ndryshme t’u përgjigjen
lirshëm e pa ndrojtje se gabojnë, këtyre pyetjeve:
- Ç’dinë për kundrinorin e drejtë?
- Me se shprehet kundrinori i drejtë?
- Çfarë pyetjeje u përgjigjen kundrinorët e drejtë? Shembuj.
- Ç’dinë për kundrinorin e zhdrejtë pa parafjalë?
- Në çfarë rase janë kundrinorët e zhdrejtë pa parafjalë? Me se
shprehen? Shembuj.
Hapi III. Shkruhet tema në dërrasë të zezë. Paraqitet para klasës një tabelë,
ku është shkruar teksti në fi llim të faqes 229. Diskutohet rreth fjalëve të nënvizuara.
Me anë të pyetjeve arrihet në përfundim se fjalët e nënvizuara janë kundrinorë të
zhdrejtë me parafjalë.
Duke u nisur nga klasat a grupe e fjalëve që formojnë kundrinorin e zhdrejtë me
parafjalë, arrihet në përfundim se ai shprehet me:
emër – Ata u shqetësuan për plagën. (për cilën?)
Ata folën me kryetrimin. (me kë?)
205