udhezues gjuha 5

Libër mësuesi për tekstin “Gjuha shqipe 5”
Rubrika: Lexim
Tema: Përroi i argjendtë
Objektivat pedagogjikë: Në fund të orës së mësimit nxënësi të jetë i aftë:
- Të parashikojë përmbajtjen e tregimit duke u nisur nga titulli i tij.
- Të lexojë tregimin duke respektuar shenjat e pikësimit.
- Të zbulojë kohën kur zhvillohet ngjarja dheta ilustrojë me pjesë nga teksti.
- Të përshkruajë emocionet që i shkakton një natyrë kaq magjike.
- Të dallojë fjalët kyç me të cilat autori përshkruan natyrën dhe ndjesitë e
djalit.
Mjete: teksti i nxënësit, fl etë të bardha, lapsa me ngjyra.
Fjalë kyç: përroi i argjendtë, Xhodi, burim, liqen, shteg, manjolë, frashër, lug, i
tejpashëm, sumbulla, marramenthi
Metodologjia: parashikim me anë të titullit, të nxënët bashkëpunues, imagjinopërshkruaj,
rrjet diskutimi
Zhvillimi i mësimit
Evokimi: parashikim me anë të titullit.
-Ç ’mund të jetë një përrua i argjendtë. Shkruani në një fl etë mendimin tuaj.
Dy-tre nxënës lexojnë krijimin e tyre.
Realizimi i kuptimit:
Lexim i tregimit nga nxënësit sipas paragrafëve. Gjatë leximit nxënësit janë udhëzuar
të nënvizojnë fjalë të reja.
Punim i fjalëve të fjalorit. Nxënësit në bashkëpunim me mësuesen mësojnë kuptimin
e fjalëve.
Mësuesi/ja i drejton nxënësit të krahasojnë parashikimin me atë që lexuan.
Të nxënit bashkëpunues.
Grupi I: - Në cilën kohë të ditës zhvillohet ngjarja?
Ilustroje me pjesë nga teksti zgjedhjen tënde.
Grupi II: - Cilin vend autori e quan fshehtësirë të magjishme? Pse?
Grupi III: - Pse Xhodi e quan burimin vendin e tij dhe të kafshëve të pyllit?
Grupi IV: Ritrego rrugën që bën lumi nga burimi në oqean, duke përdorur
fjalë nga tregimi.
Grupi V: Gjej fjalë dhe shprehje kyç me anë të të cilave autori përshkruan:
Ngjyrat e pyllit
Zhurmat
Aromat
Ndjesitë e djalit
174