udhezues gjuha 5

Libër mësuesi
Fjalë kyç: rrethanorë homogjenë.
Metodologjia: bisedë e kombinuar me shpjegim, punë e drejtuar, punë në
dyshe.
Zhvillimi i mësimit
Hapi I. Kujtojmë bashkë me nxënësit:
- Ç’janë gjymtyrët homogjene? (Gjymtyrët homogjene plotësojnë kuptimin
e së njëjtës gjymtyrë).
- Me se lidhen me njëra-tjetrën gjymtyrët homogjene? (Ato lidhen me presje
ose me lidhëza).
Kërkohen të jepen shembuj me kryefjalë homogjene, me përcaktorë homogjenë
etj.
Hapi II. Vendos në dërrasë të zezë tavën me rrethanorët homogjenë, siç
paraqiten në tekstin e nxënësit. Diskutohet rreth tyre për të arritur në përfundim se
janë rrethanorë homogjenë.
Hapi III. Punë e drejtuar: ushtrimi 1 faqe 237. Udhëzohen nxënësit të
nënvizojnë rrethanorët homogjenë. Kontrollohet puna e nxënësve pastaj nxënësve
u drejtohet këto pyetje: Ku mungojnë parafjalët te rrethanorët e nënvizuar? Diskutoni
a duhet të jenë?
Hapi IV. Punë në dyshe: Ushtrimi 2 faqe 237. Ky ushtrim shërben jo vetëm
për të matur rendimentin e orës së mësimit, por për të testuar dijet e nxënësve për
të gjitha llojet e gjymtyrëve homogjene.
Bëhet përmbledhja e vlerësimi për orën e mësimit duke u drejtuar këto pyetje:
- Përse shërbejnë gjymtyrët homogjene?
- Me se lidhen ato me njëra - tjetrën?
- A duhet të përsëriten patjetër parafjalët para të gjithë rrethanorëve
homogjenë?
Detyrë shtëpie. Jepen ushtrime nga Fletorja e punës.
Rubrika: Të lexuarit
Tema: Muji, nusja dhe zanat idhnake (nga cikli i këngëve legjendare)
Objektivat pedagogjikë: Në fund të orës së mësimit nxënësi të jetë i aftë:
• Të lexojë tregimin me intonacion.
• Të ndërtojë fjali me fjalët e reja të panjohura.
• Të tregojë përmbajtjen duke iu përgjigjur pyetjeve të dhëna.
• Të analizojë personazhin e Mujit, zanave dhe nuses duke ilustruar me pjesë
nga tregimi.
• Të analizojë strukturën e legjendës duke dalluar elementet reale dhe fantastike
të tregimit.
211