udhezues gjuha 5

Libër mësuesi
KAPITULLI II
Pasqyra e dëshirave
Rubrika: Lexim
Tema: Meri Popinsi del shëtitje
Objektivat pedagogjikë: Në fund të orës së mësimit nxënësi të jetë i aftë:
• Të lexojë tregimin.
• Të pasurojë fjalorin me fjalë dhe shprehje të reja frazeologjike.
• Të dallojë personazhet e tregimit.
• Të ilustrojë dëshirat e Merit dhe Bertit me pjesë të shkëputura nga teksti.
• Të dallojë në tekst përshkrimet gjatë shëtitjes imagjinare të të rinjve.
Mjete: Teksti i nxënësit, libri “Meri Popinsi “i shkrimtares Pamela Travers.
Fjalë kyç: ditë pushimi, pikturë, shëtitje, rroba të reja, tryezë, ora shtatë,
kangjella, mantel, xhevahir, mjedër, karusel, madam.
Metodologjia: imagjinatë e drejtuar, veprimtari e leximit të drejtuar, rrjet
diskutimi.
Zhvillimi i mësimit
Evokimi: Imagjinatë e drejtuar.
Mësuesi/ja iu drejton nxënësve pyetjet:
- Imagjinoni cili do të ishte vendi ku do të donit të ishit tani?
- Si e përfytyroni atë? Mund ta përshkruani shkurt atë?
- Ky është një vend real apo thjesht imagjinata juaj?
- Si mendoni a ekziston diku ky vend?
Realizimi i kuptimit. Veprimtaria e leximit të drejtuar.
Mësuesi/ja lexon pjesën sqaruese në fi llim të pjesës. Ai/ajo mund të nisë një
bisedë nëse nxënësit e kanë parë fi lmin dhe si u është dukur ai.
Lexim i koduar i tekstit. Mësuesi/ja udhëzon nxënësit të lexojnë tregimin në heshtje
ose mund të lexohet me zë të lartë nga tre nxënës. Nxënësit duhet të dallojnë
ndërkohë sa paragrafë ka teksti. Në paragrafët përshkrues duhet të vënë një p.
Gjithashtu nxënësit duhet të nënvizojnë dhe fjalët e reja.
Punohen fjalët e reja. Identifi kohen personazhet e tregimit. Meri, Berti, kamerieri.
Të nxënit në bashkëpunim.
Mësuesi/ja i ndan nxënësit në grupe sipas paragrafëve dhe iu lë si detyrë të
hartojnë pyetje për paragrafi n përkatës.
Teksti ka 10 paragrafë, pra formohen pesë grupe nga dy paragrafë secili.
91