udhezues gjuha 5

Libër mësuesi
Mjete: teksti i nxënësit Gjuha shqipe 5”, libri “Himni kombëtar”.
Fjalë kyç: engjëll, toskë, gegë, rrfe, ngadhnjyes, brendë, njat fl amur.
Aftësitë: të lexuarit, të folurit, të kthyerit e poezisë në prozë.
Metodologjia: bisedë e kombinuar me shpjegim, lexim zinxhir, lexim me
ndalesa, analizë e diskutim, pema e mendimit, punë në dyshe.
Struktura: ERR
Zhvillimi i mësimit
Evokimi:
Hapi I. Këndohet “Himni i fl amurit” bashkë me nxënësit. Bëhet një bisedë e
kombinuar me shpjegim për Himnin kombëtar. U tregohen nxënësve materiale e foto
për ilustrim ç’simbolizon “Himni kombëtar”.
Realizimi i kuptimit
Hapi I. Bëhet leximi shprehës nga mësuesi/ja i poezisë “Himni i fl amurit”, shkruar
nga poeti Gjergj Fishta.
Hapi II. U fl itet nxënësve shkurt për veprimtarinë atdhetare dhe krijimtarinë
letrare të Gjergj Fishtës. Flitet për kryeveprën e tij “Lahuta e Malcis”.
Hapi III. Lexohet poezia nga një nxënës që lexon bukur dhe nxënësit nënvizojnë
me laps fjalët e panjohura:
engjëll – qenie e jashtëzakonshme që përfytyrohet si fëmijë me krahë, me
shpirt të pastër, të butë e të dashur.
toskë – banor vendës i krahinave jugore të Shqipërisë ose ai që e ka
prejardhjen nga këto krahina.
gegë – banor vendës i krahinave veriore e të mesme të Shqipërisë ose ai që
e ka prejardhjen nga këto krahina.
rrfe – rrufe
ngadhnjyes – fi timtar
brendë – brenda
njat fl amur – atë fl amur
Hapi IV. Bëhet leximi me ndalesa sipas strofave dhe bëhet analiza duke u
mbështetur në rubrikën Kupto dhe nxirr mesazhin.
Ushtrimi 6 zgjidhet kështu:
Strofa e parë është ndërtuar me rimë të kryqëzuar, sepse vargu i parë rimon me të
tretin dhe vargu i dytë me të katërtin (skema ABAB).
Strofa e dytë është ndërtuar me rimë të përputhur, sepse vargjet me të njëjtën rimë
vijnë njëri pas tjetrit (skema AABB).
Strofa e tretë e ka llojin e rimës njëlloj si strofa e parë (skema ABAB).
Reflektimi.
Hapi I. Bëhet bashkë me nxënësit pema e mendimit për fl amurin.
217