udhezues gjuha 5

Libër mësuesi
Zhvillimi i mësimit
Evokimi: Mësuesi/ja iu drejton nxënësve pyetjet:
• Si e kuptoni fjalën telash?
• A ju kujtohet ndonjë telash që keni kaluar gjatë kësaj jave?
• A mund ta tregoni atë?
• Si mendoni, cila ishte arsyeja e krijimit të këtij telashi?
Realizimi i kuptimit. Prezantimi i titullit të tregimit dhe pjesës nga është
shkëputur tregimi.
Katerina është një moshatarja juaj. Sot ne do të njihemi me telashet e Katerinës
në mëngjes para se të shkojë në shkollë.
Lexohet tregimi nga nxënësit duke i korresponduar një nxënës një telash.
Punohet fjalori. Formohen fjali me fjalët e fjalorit.
Të nxënit në bashkëpunim. Nxënësit të ndarë në grupe punojnë ushtrimet e
aparatit pedagogjik.
Grupi i parë. - Si e shpjegon titullin e tregimit?
Grupi i dytë. - Trego si është ndier Katerina pas çdo telashi. Mund të përdorni
gjestet, mimikën e fytyrës pse jo dhe një lojë në role.
Grupi i tretë. - Pse Katerinës i ndodhin tërë këto gjëra të pakëndshme?
Grupi i katërt. - Tregoni në grup një situatë të ngjashme me atë të Katerinës.
Përzgjidhni situatën që mendoni se është më interesante. Si kanë reaguar
prindërit?
Grupi i pestë. - Pse gjithçka shkon për së mbari kur ngrihesh në orarin e
duhur?
Prezantohen punët nga përfaqësuesi i grupit. Nxënësit nxiten të shtojnë dhe të
plotësojnë njëri-tjetrin.
Punë në çifte. Punimi i rubrikës Analizo gjuhën. Punimi i ushtrimit 7. Shkruaj
titullin e secilit paragraf.
Mësuesi/ja sqaron nxënësit për pjesën e tekstit ku personazhi kuvendon me
veten. Lexohet dhe sqarohet kuptimi i monologut.
Reflektimi: pyetja binare
Po
A do të vazhdojë Katerina të ketë telashe të tilla dhe në ditët
në vazhdim? Pse?
Nxënësit grupohen sipas përgjigjeve të tyre. Japin argumentet
pro dhe kundër.
Jo
Përfundimi. Nxënësit duhet të arrijnë në përfundimin.
Nëse organizon kohën dhe zbaton programin ditor, Katerina dhe të gjithë ne
s’do të kemi telashe të tilla.
33