udhezues gjuha 5

Libër mësuesi për tekstin “Gjuha shqipe 5”
Paraqitet në tabelë para nxënësve harta e Ilirisë dhe diskutohet shkurt rreth saj.
Realizimi i kuptimit: lexim - analizë.
Hapi I. Hapen librat në faqen 226. Diskutohet bashkë me nxënësit rreth tablosë
në fi llim të faqes. Shkruhet titulli i tregimit në tabelë. Po të jetë e mundur paraqitet
para nxënësve libri me të njëjtin titull, që fl et për luftën e stërgjyshërve tanë nën
udhëheqjen e Batos kundër pushtuesve romakë.
Hapi II. Lexohet teksti nga mësuesi/ja, nxënësit i mbajnë librat mbyllur.
Hapi III. Lexohet teksti pjesërisht nga mësuesi/ja dhe pastaj vazhdohet
leximi nga nxënës që lexojnë bukur. Nxënësit ndjekin leximin dhe nënvizojnë fjalët
e panjohura për ta. Bëhet në tabelë shpjegimi i fjalëve e shprehjeve të reja duke
u mbështetur në fjalorin e tekstit. Bashkë me nxënësit formohen fjali me fjalët e
shprehjet e reja të panjohura, të cilat mund të jenë më shumë se ato që parashikon
fjalori i tekstit.
Hapi IV. Lexohet pjesë-pjesë teksti nga nxënës të niveleve të ndryshme për
të kuptuar më mirë përmbajtjen. Nxënësit bëjnë vërejtje dashamirëse për shoku -
shokun për përmirësimin e cilësisë së leximit.
Hapi V. Analizohet tregimi bashkë me nxënësit duke pasur parasysh pyetjet e
rubrikave Kupto përmbajtjen dhe Nxirr mesazhin.
U jepet nxënësve një ide e qartë për krahasimet dhe epitetet, duke bërë ilustrime
me shembuj.
Sqarohet se krahasimi dhe epiteti nuk shprehen me një fjalë të shkëputur, por me dy
fjalë që krijojnë kuptimin e fi gurshëm. P.sh.: luftoi si luan (krahasim); zemër e bardhë
(epitet).
Mbiemri e bardhë, po të mos lidhej me fjalën zemër, nuk do të ishte epitet.
204
Reflektimi: punë në dyshe.
Nxiten nxënësit të punojnë në grupe dyshe për zgjidhjen e kërkesave të ushtrimeve
8, 9 të faqes 228. Diskutohet dhe vlerësohet puna e nxënësve.
Ushtrimi 10 faqe 228. Nxënësit nënvizojnë epitetet dhe krahasimet. Kur mbarojnë
nënvizimet, diskutohet për kuptimin e tyre të fi gurshëm.
Bëhet përmbledhja e orës së mësimit vlerësimi për cilësinë e arritjes së objektivave,
sipas niveleve dhe vlerësimi i motivuar me notë i nxënësve të niveleve të
ndryshme.
Detyrë shtëpie. Jepet detyra në fund të faqes 228. Një zgjidhje e kësaj detyre
mund të jetë:
s’i binte ndërmend – e kishte në mendje
nga dita në ditë ripërtërihej – nga dita në ditë binte nga shëndeti
e lidhnin pazgjidhmërisht – e ndanin përfundimisht
fjalëpakë e gjumëpakë – llafazanë e gjumashë