udhezues gjuha 5

Libër mësuesi
Ky është qyteti im. Sot ai duket sikur ka lindur në mes të liqenit. Shirat
e vazhdueshme gjatë natës kanë mbuluar rrugët e qytetit plot e përplot me
ujë. Gjithçka është fshehur nga uji. Është e vështirë ta besosh. Çdokush që e
shikon për herë të parë qytetin i zgjon dëshirën për t’u larë, por është vetëm një
imagjinatë e përkohshme. Çdo gjë duhet të normalizohet që qyteti të gjallërohet
përsëri.
Reflektimi: shkrim i skeduar.
Nxënësit shkruajnë kronikën e një shëtitjeje që kanë bërë në fshat. Udhëzohen
nxënësit të kujtojnë ndodhitë e veçanta duke i shënuar në një skedë (sipas modeli
në tekst).
Lihen nxënësit të lirë të shkruajnë qartë, me zhdërvjelltësi, duke ngjallur interes
për atë që e dëgjon.
Vlerësimi i nxënësve për punën e bërë.
Detyrë shtëpie. Shkruani një kronikë për një ndodhi të veçantë sipas një
rendi kohor.
Rubrika: Njohuri gjuhësore
Tema: Fjala dhe përbërësit e saj
Objektivat pedagogjikë: Në fund të orës së mësimit, nxënësi të jetë i aftë:
• Të dallojë përbërësit e fjalës (rrënja, tema, mbaresa, parashtesa, prapashtesa)
• Të gjejë mbaresat e duhura në fjalë të ndryshme.
Mjete: teksti, shkumësa me ngjyra, tabela, ngjyra, laps, tekst i shkurtër i shkruar
në një tabak të madh të bardhë.
Fjalë kyçe: rrënjë, mbaresë, temë, parashtesë, prapashtesë.
Aftësitë: të menduarit, të dalluarit, të vepruarit.
Metodologjia: mendo – trego – diskuto, punë e drejtuar, punë e pavarur -
zbatimi i njohurive të marra.
Zhvillimi i mësimit
Evokimi: mendo – trego – diskuto.
Në një tabak të madh letre është shkruar teksti “Gjyshi dhe nipi”.
Lexohet në heshtje nga nxënësit.
Pyeten nxënësit: - Cila fjalë është përdorur më shumë në këtë tekst? (Gjysh)
- Në ç’forma paraqitet ky emër? (gjyshi, gjyshit, gjyshin, gjyshit)
- Çdo fjalë e gjuhës shqipe ndahet në pjesë të tjera më të vogla.
81