udhezues gjuha 5

Libër mësuesi për tekstin “Gjuha shqipe 5”
KAPITULLI I
Pasqyra e ditës
Para se të fi lloni zhvillimin e temës së parë mësimore shfrytëzoni një orë të lirë ku
nxënësit të diskutojnë mbi pushimet e verës. Nxitini të tregojnë, të përshkruajnë me
shkrim, me vizatime se si i kaluan pushimet.
Më pas ditën e dytë nxënësit të punojnë me tekstin e gjuhës shqipe.
Rubrika: Të lexojmë
Tema: Mirupafshim gjyshër, mirupafshim verë
Objektivat pedagogjikë: Në fund të orës së mësimit nxënësi të jetë i aftë:
• Të lexojë tregimin rrjedhshëm dhe me intonacionin e duhur.
• T’iu përgjigjet pyetjeve me gojë mbi emocionet që i shkakton fi llimi i vitit
shkollor.
• Të lexojë fjalorin e fjalëve të reja të tregimit.
• Të dallojë kohën dhe vendin e zhvillimit të ngjarjes duke ilustruar me pjesë
nga tregimi.
• Të përshkruajë emocionet e personazheve duke ilustruar me pjesë nga
tregimi.
• Të diskutojë për emocionet që ndien ai/ajo,kur mbarojnë pushimet e verës,
duke i krahasuar me ato të personazheve.
• Të diskutojë mbi titullin e tregimit.
Mjete: foto të pushimeve.
Fjalë kyç: pushime, gjyshër, mirupafshim, bagazh, trishtim, i mallëngjyer.
Metodologjia: parashikim me anë të titullit, të nxënit bashkëpunues,
diagram Veni, shkrim i lirë.
Struktura mësimore: ERR
Zhvillimi i mësimit
Evokimi: Mësuesi/ja shkruan në tabelë titullin e tregimit: “Mirupafshim
pushime!” dhe pyet:
- Si mendoni, pse personazhet e tregimit kanë përdorur një titull të tillë?
Nxënësit japin idetë e tyre, të cilat shkruhen në një tabak letre ose në dërrasën e
zezë.
28