udhezues gjuha 5

Libër mësuesi për tekstin “Gjuha shqipe 5”
Mjete: teksti i nxënësit
Fjalë kyç: fl uturoj, shilarës, vërtik.
Metodologjia: imagjinatë e drejtuar, punë në çifte, punë në grup, shkrim i lirë.
Zhvillimi i mësimit
Evokimi: Imagjinatë e drejtuar.
- Mbyllni sytë. Tani jemi në një ballon të madh duke fl uturuar mbi qytet. Shikoni
poshtë tarracat e pallateve. Si duken ato? Vazhdoni të përshkruani udhëtimin.
- Tani po kalojmë mbi një liqen. Edhe pak po ngjitemi në malin e Dajtit. Po fryn erë.
Bobo, balloni po ndryshon drejtim! Ku po shkojmë kështu?
Hapini sytë.
Realizimi i kuptimit:
Mësuesi/ja prezanton titullin e poezisë.
- Autorja Melsi Qirici na fton të fl uturojmë më një mjet vërtet të këndshëm. Ai është
shilarësi. Vërtet fl uturohet me të? Le ta shohim.
Lexohet vjersha në strofa nga nxënësit.
Punohet rubrika: Kupto dhe nxirr mesazhin. Mund të punohet në grupe ose
në çifte.
Në ushtrimin 1 nxënësit përmbledhin me një fjali secilën strofë.
Më pëlqen të fl uturoj me shilarës.
Gjithë botën e shoh kur ngjitem lart.
Ju ftoj, o miqtë e mi, ta provojmë këtë gëzim!
Në ushtrimin 2 nxënësit do të tregojnë se me fjalët e kujt na drejtohet autorja.
Në ushtrimin 3 nxënësit do të dallojnë se kë fton në këtë lojë fëmija.
Në pyetjen 4 të kësaj rubrike nxënësi jep përgjigjet e tij:
- Se të jep krahë për t’u ngjitur në lartësi.
- Të jep zemër për të fl uturuar.
- Të jep liri për të menduar.
Në ushtrimin 5 nxënësi duhet të paraqesë ndjesitë shpirtërore dhe fi zike që e
pushtojnë kur është në pikën më të lartë të shilarësit.
Ndihesh i lirë, i lumtur, pa frikë, të tjerët janë të vegjël para teje.
Kur ulesh vërtik poshtë.
Si një zog, si një aeroplan që ulet në pistë.
Reflektimi: Shkrim i lirë.
- Shkruaj se cila është loja që të pëlqen më shumë. Si ndihesh kur luan. Përshkruaj
me 4 fjali ndjesinë shpirtërore dhe fi zike që ndien.
Nxënësit lexojnë punimet e tyre.
Detyrë shtëpie. Mësimi i vjershës përmendësh.
90
Shënim. Në Fjalorin e gjuhës shqipe fjala gjendet shilarës dhe jo lisharës.