udhezues gjuha 5

Metodë:
tërësia e mënyrave dhe mjeteve që përdoren për të shpjeguar diçka
1. - Mendo-Çifto-Shkëmbe
Vështrim i përgjithshëm mbi metodën
Mendo-Çifto-Shkëmbe është një metodë diskutimi, e cila mund të përdoret si një
aktivitet para leximit, për të zgjidhur një problem ose si një aktivitet shoqërues. Çdo
nxënës shndërrohet në një pjesëmarrës aktiv.
Procedura e metodës:
1. Fillo me sugjerimin e një teme ose duke bërë një pyetje.
2. Kërkoju nxënësve të mendojnë për pak minuta për përgjigjen e tyre.
3. Ndaji nxënësit në çifte dhe kërkoju atyre të diskutojnë idetë e tyre.
4. Në përfundim nxënësit rikthehen së bashku dhe ndajnë idetë e tyre.
Varianti i kësaj metode- Shkruaj – Çifto - Shkëmbe
Në këtë variant, nxënësit fi llimisht shkruajnë mendimet e tyre para se të ndahen në çifte
dhe të shkëmbejnë idetë e tyre.
2. - Shënimet
Vështrim i përgjithshëm mbi metodën
Shënimet përdoren për të dalluar pjesë të një teksti, të cilave nxënësit duan t’u rikthehen.
Këto pjesë mund të jenë të vështira dhe mund të kërkojnë sqarim të mëtejshëm ose
përcjellin një mesazh të fortë, të cilin nxënësit duan ta diskutojnë ose t’ua bëjnë të
njohur edhe të tjerëve. Këto pika ndalimi mund të përdoren për të nxitur diskutime ose
për të frymëzuar të shkruarin.
Procedura e metodës:
Për tekst artistik ose narrativ:
Nxënësit duhet të lexojnë një tekst letrar në mënyrë të pavarur dhe të mbajnë shënime
të shkurtra në ato pjesë të tekstit për të cilat duan të fl asin. Këto mund të jenë pjesë për
të cilat atyre u kanë lindur pyetje ose fragmente që u pëlqejnë, si p.sh., ndonjë pjesë
humoristike ose një përshkrim i bukur.
- Ndaji nxënësit në çifte dhe kërkoju të shkëmbejnë tekstet ku kanë mbajtur shënimet.
- Kërkoju të diskutojnë në dyshe pse i kanë dalluar ato pjesë.
- Fillo diskutimin me të gjithë nxënësit për pjesët e zgjedhura.
- Ndaj tabelën në dy pjesë dhe shëno pjesët që kanë kërkuar sqarime dhe pjesët që u
kanë pëlqyer.
Për tekste informative/shpjeguese:
Nxënësit lexojnë një tekst informativ, shkencor në mënyrë të pavarur dhe mbajnë
shënime në pika për të cilat ata duan të fl asin. Këto mund të jenë pjesë të cilat ata
i kuptojnë dhe mund t’i shpjegojnë, pjesë të cilat kërkojnë sqarime të mëtejshme.
Nëpërmjet shënimeve nxënësit mund të shtojnë informacionin krahas atij të tekstit.
3