udhezues gjuha 5

Libër mësuesi
Zhvillimi i mësimit
Evokimi: dëgjim – mendim i drejtuar.
Lexohet përshkrimi i një dhome realizuar në bazë të pikturës së piktorit të njohur
holandez Van Gog.
- Çfarë ka dashur të thotë artisti me shprehjen “Ja, kaq.” (Dhoma e tij ishte e
thjeshtë, siç e kishte pikturuar ai.)
Lexohet përshkrimi që ka bërë një bashkëmoshatar për dhomën e tij.
- A ju pëlqen përshkrimi që dëgjuat? Pse?
- Çfarë ka të përbashkët në përshkrimin e kësaj dhome me atë të dhomës së
Ivos?
Për të përshkruar një dhomë duhet të mbash parasysh këto::
- Gjej pikën e këndvështrimit tënd.
- Përshkruaj vendndodhjen e objekteve.
- Përqendrohu te forma, funksionimi, ngjyra, dhe gjendja e tyre.
Realizimi i kuptimit: përshkrim individual.
- Çdo nxënës përfytyron ose nxjerr foton apo vizatimin e dhomës së tij.
- Duke u mbështetur te modelet e tekstit dhe elementet përbërëse të
përshkrimit të dhomës, çdo nxënës krijon një tekst përshkrues me jo më pak se 10
fjali.
Reflektimi: diskutim i përshkrimit.
Lexohen përshkrimet e nxënësve me zë.
Diskutohen me njëri-tjetrin mënyrat e përshkrimit të dhomës.
Përzgjidhen përshkrimet më të mira duke i ekspozuar në këndin e klasës.
Vlerësimi i nxënësit për punët e bëra.
Detyrë shtëpie. Punim i ushtrimeve të F. së punës fq 13.
Rubrika: Njohuri për gjuhën
Tema: Përdorimi i shenjave të pikësimit në ligjëratën e drejtë
Objektivat pedagogjikë: Në fund të orës së mësimit nxënësi të jetë i aftë:
• Të dallojë ligjëratën e drejtë në tekstet e dhëna duke u bazuar në shenjat e
pikësimit: dy pika, thonjëzat, viza.
• Të përdorë shenjat e pikësimit në ligjëratën e drejtë.
• Të shndërrojë ligjëratën e zhdrejtë të dhënë në ligjëratë të drejtë.
Mjete: teksti, tabela, shenjat e pikësimit në fisha, shkumës me ngjyra, stilolaps,
fletore, tabakë të bardhë letre (flipçart).
61