MAĆICY SERBSKEJE

Hornjoserbske ludowe pěsnje. 4956. Dźěćacy wječorny spěwk.(Přir. Čas. 1875.)Hdyž ja wječor lehnyć du,Štyrnaće jandźelkow zo mnu du.Dwaj stejitaj mi we hłowach,Dwaj staj mi k nohomaj,Dwaj staj na mojim prawym boku,Dwaj staj na mojim lěwym boku,Dwaj mje wodźěwataj,Dwaj mje wachujetaj,Dwaj mje do njebjes wjedźetaj.57. Wbohe holičo.Lěpši variant pěsnje we Čas. M. S. 1872 zešiwk I, str. 54 čo. 3 podateje.Jěli su grofojo přez jene polo,Haj přez jene polo do korčmičkiHadej hadej hadej.Pomhaj Bóh, pomhaj Bóh, korčmaŕka,Maće wy dobroh’ piwa, palenca?Haj, haj, dobroh’ piwa, palencaWšěm cuzym hosćam naliwam.Korčmaŕka, je to waša dźowčička,Abo je to waša słužomna?Ně, to njej’ moja słužomna,To je moja samsna dźowka.Duž dachu tej maćeŕcy sylny pitk,Hač pokhili wona swoju hłowičku.Duž klakny so holčo k jejnymaj rukomaj:„Stańće horje, moja maće, woni chcedźa mje morić!“Duž klakny so holčo k jejnymaj nohomaj;„Stańće horje, moja maće, woni chcedźa mje třěleć!“Duž klakny so holičo k jejnej hłowje:„Ach stańće, moja maće, mój Bóh chcył so smilić!“Woni wzachu te holičo za blido,Rozrězachu je kaž karpy, ryby.Hdźež žana ta krepka zlećeše,Tam swěca so stejo swěćeše.