U S M F L Pubblicazioni della Facoltà di Lettere e ... - Studi umanistici

Roy Maillefer et Bertran le guerrier1175 font la navie moult bien apareillier.Li quens Guillaumes se pense de coitier,grant paour a de sa franche moullier.Congie ont pris no baron chevalier.« Bertran amis, dist Maillefer le fier,1180 se paiens viennent sus vous por ostoiersi le me fêtes par Piecolet noncier.Secours avrez cui qu'il doie ennoier. »Et dist Bertran : « Ce fet a mercier. »En sa nef entre Maillefer sanz targier,1185 il et Guillaumes et li autre princier.Les notonniers font le sigle drecier,le vent s'i fiert dont prennent a nagier.Huimes conmence chançon a enforcier,que vous orrez se donez un denier,1190 de Maillefer et de son filz Renier.XL VII119512001205Seigneurs preudome or soiez entendant,qui les estoires alez bien escoutant,et des preudomes les vies retenant.Je vous dirai chançon bele et plesant,c'est de Renier le damoisel vaillantfilz Maillefer, le hardi conbatant,que li marcheanz maine par mer najant.Dusqu'a Venise ne se vont demourant :a Rocheglise vindrent droit arrivant,de la nef issent valiez et estrumant.Gires ot non le mestre marcheant:cil fet porter par devant lui l'enfant.En la vile entrent par la porte plus grant,dusqu'au pales ne se vont sejornant.Les degrez monte Gires premièrement,vint en la sale par devant l'amirant,puis le salue hautement en oiant.« Celui Mahom, en cui croient persant,sault hui et gart l'amiral Brunamant.