U S M F L Pubblicazioni della Facoltà di Lettere e ... - Studi umanistici

cui il consuit toute est sa vie alee,et après lui est sa compaigne entrée.DCXLIII17175 Quant Robert fu en la grant nef entrez,dont fu le chaple perilleus et mortez.Roy Moradas li est encontre alez,d'un grant fauxart dont li acier fu lezferi Robert ainz qu'il s'en fust gardez,17180 parmi le hiaume fu si bien assenezque tout le comble fu fendu et copez;mes le bacin qui de souz fu fremezle garandi que il ne fu navrez.Quant Robert sent le cop moult fu irez,17185 s'il ne s'en venge tendra le a viltez:le brant entoise qui fu d'or enheudez,fiert le paien d'aïr tout tressuezonc de ses armes ne fu noient tensez,fusques es denz fu fendu li esclerz,17190 le cors trébuche, l'ame em porte mauffez.Lors est Renier enz en la nef entrez,Drues de Gresce, Bauduin le seneztouz les paiens ont occis et tuez.En l'autre estage est Renier avalez,17195 la dame i trueve qui moult ot de biautez,la char ot blanche plus que n'est noif assez,couleur vermeille, denz blans menu serrez,chiere riant et les braz bien mouliez,mere iert Ydoine dont vous oy avez.17200 La dame iert joenne, n'iert pas grant ses aez,ele n'ot mie trente cinq anz passez.Renier l'esgarde si la connut assez.« Dame, dist il, vo cors soit bien trouvez. »Et dist la dame : « Frans damoisiax membrez,17205 de dieu de gloire soiez vous honnourez,mes or me dites, se vous riens en savez,ou est ma fille dont tant estes amez? »Dist Renier: « Dame, par moi bien le savrez:droit a Miessines, qui est bone citez,17210 lessai vo fille a joie et en santez.