U S M F L Pubblicazioni della Facoltà di Lettere e ... - Studi umanistici

LXXI1855 La damoisele fist forment a loer,Renier apele que ele voit penser:« Frans damoisiaus, ge vous veull demander:vérité dites, ce vous veull conmander,a quel créance voulez vous demourer1860 ou a la nostre ou vers françois tourner? »Renier l'entent, le chief prist a cliner,n'ose respondre, ainz se prist a douters'il disoit voir, pour ce n'ose parler,que la pucele ne le face afoler.1865 Voit le la bele, adont prist a penserque li dansiaus n'osoit le voir conter;adont l'apele, bel le sot conforter.« Renier, biaus enfes, or ne vous esfreer,vérité dites, sanz mençonge trouver,1870 pour riens que dites, ce vous veull creanter,n'avrez ja mal dont vous puisse garder. »Dist Renier: « Bele, si me puist diex sauver,voir vous dirai conment qu'il doie aler,onques nul jour ne poi Mahom amer,1875 mielz vaut Jhesu a ce c'on puet prouver. »Dist la pucele: « Renier, moult estes ber,mes or me dites, s'il ne vous doit peser,qui vous aprist de Jhesu a parler. »Renier li dist: « Bien le vous sai conter:1880 as crestiens l'ai oy deviserque vostre pere fet en prison garder.Et or vous veull et proier et rouverque le congie vous me veulliez donner.Querre mon pere me couvient il aler;1885 n'avrai mes joie se ne le puis trouver. »Dist la pucele : « Dont me ferez desver!Nourri vous ai, or en voulez aler. »Dist Renier: « Bele, ne vous chaut d'airer.Tenez ma foi, bien la vous veull doner.1890 Se diex me veut droite voie menerque ge peusse mon desirier trouver,tantost voudrai envers vous retourner. »Dist la pucele: « Bien le veull creanter.Congie avras quant ne veulz demorer. »f. 63 v " a