U S M F L Pubblicazioni della Facoltà di Lettere e ... - Studi umanistici

9405 Cil de la tour en sont espoori;dist l'un a l'autre : « Trop sonmes endormi.Nous ne valons vaillant un chien pourrise no seignor lessons occire ainsi. »Et dist Grymbers : « Tost soions fer vesti,9410 s'il a besoing prest serons et garni. »Et dist Rohars : « Je le lo bien ainsi. »Dist Malcuidans: « Mieudre conseill n'oi.Ja de mal fere ne soions alenti. »As armes queurent li glouton malei.9415 Or ait diex Renier par sa merci,quar se n'en pense le roy qui ne mentiancui sera le sien cors malbailli.CCCLOeillart le grant durement s'aira,estourdi fu que moult li agreva;9420 un dart a pris a Renier le lança.Le ber guenchi qui le cop redouta:et bien sachiez que forment s'aira.La loque entoise, as deus poinz la hauça,au jaiant vint, si bien assené l'a9425 son hiaume froisse et tout li enbarra,sus le braz destre la loque dévala,en deus moitiez le mestre os li brisa,et le jaiant a terre trébucha.Renier le voit plus ferir nel daigna9430 dusqu'a cele heure que il se releva.Adont Oeillart grant frainte démena,plus tost qu'il pot en piez se redreça.Voit le Renier, autre cop li donna:el front devant la loke l'assena9435 que le destre oeill a terre li vola.Le jaiant crie volentiers se rendra,mes Renier dist que ja merci n'avraquar mes larron a nul jour n'amera.Vers lui s'abesse, l'yaume li deslaça:9440 es vous Rohart qui la porte gardaf. 106 v " a9409 Gonbers; 9418 Deillart