U S M F L Pubblicazioni della Facoltà di Lettere e ... - Studi umanistici

A ces paroles est Gyrart aprestez;14465 vint a la porte, as estres est montez,par la fenestre a son chief hors boutez.Perrus le voit, si est avant passez,quar bien estoit de parler aprestez.Gyrart salue ainsi con vous orrez:14470 « Cil damedieu qui en crois fu penez,il gart Gyrart et lui et ses chasez,par tel manière que vous dire m'orrezqu'il ne me face ne ennuy ne viltez. »Et dist Gyrart: « Moult bien parle avez.14475 De fere droit sui tant entalentezpuis que vous estes crestiens et levezet a no loy en fons régénérez;se tort vous fais et moustrer le pouezamender veull tout ainsi que direz.14480 Mes or me dites de quel païs venezet qui vous estes et que vous requérez. »Et dist Pierrus : « Moult volentiers l'orrez :Perrus ai non, si sui de Gresce nez,et l'en m'a dit c'un mien frère tenez:14485 Bauduin est par droit non apelez.Ses mestres est un traître pouvez,Drues a non, moult sui vers lui irezquar laidement est vers moi parjurez.Or vous dirai Gyrart que vous ferez:14490 se vous ces deus a mon bon me rendez 'en no païs nous en verrez râlez,en vo chastel tout em pes remaindrezque ja par moi n'i serez empirez.Se ce ne fêtes et vous plus les tenez14495 a ceste porte iert li assaut criez;n'en partirai por venz ne pour orezjusqu'à cele heure que vous saisi serez.Et se par force estes a moi livrezen nostre terre de la serez menez :14500 la serez vous escorchie et salezet puis après de miel oinz et frotez,en mi la place en la roe tournez,et a midi, quant jour iert eschaufez,et le soleill est chaut et haut levez,14505 la serez vous de nos chiens devourez. »f. 135 r_b