U S M F L Pubblicazioni della Facoltà di Lettere e ... - Studi umanistici

avoec lui s'arment trente mil beduin.Par la contrée queurent li chien mastin,le païs gastent et tournent a déclin,de nostre gent ont fet moult lait traïn,7090 uslent et braient et demainent grant brin,cils les maudie qui de l'eaue fîst vin.En Morimont en ot on le glatin.Gyrart estoit enz el pales marbrin,par la fenestre bouta son chief enclin7095 voit la navie a la gent Apolin.« Diex, dist Gyrart, vrai pere celestin, f. 93 r " bor voi ge bien que près sui de ma finquar ge n'ai mes ne frère ne cousin.Maillefer sire, franc home de bon lin,7100 trop demourez entre la gent Jupin,trois mois avra acomplis le matinque vous partistes de moi a chief enclinet de vo famé au fin cuer enterin,en mer entrastes droit le jor Saint Martin7105 vers Loquiferne tornastes vo chemintout por sequourre Bertran-le palazin. »CCLXXVILe quens Gyrart ot moult le cuer marri,forment regrete Maillefer le hardi.« Sainte Marie, dist Gyrart le fleuri,7110 ja sont trois mois passez et acomplique Maillefer de nous se départi;onc puis cel terme novele n'en oi.Or me dout moult, par dieu qui ne menti,que sarrazin ne l'aient mal bailli7115 en leur prison puis qu'il demeure si;et de Bertran ai le quer engrami,je me criem moult qu'il n'ait son temps feni. »CCLXXVIILi quens Gyrart de Conmarchis li fransvoit arrivez granz dromons et chalans