U S M F L Pubblicazioni della Facoltà di Lettere e ... - Studi umanistici

c'est Maillefer qui sus nous est venus,de la prison est partiz et issusou Tenvoiames, dont je sui irascus.Miex nous venist qu'il fust très dont pendus.11670 Ce fu folie que le gardâmes plus. »CDXXXIVSouz Loquiferne fu moult grant l'estormie :Renier li preuz a la chiere hardiequeroit Ydoine aval la praerie;quant ne la trueve a poi qu'il ne marvie.11675 Mes ainz qu'il voie la pucele eschevieli croistera grant paine et grant hachie,quar un paien qui moult set de boisdieenmaine Ydoine seule sanz conpaignie.Le paien dist qu'il ne l'ocira mie11680 ainz l'en menrra ou iert a garandie,por sa biaute en veut fere s'amie;et la pucele a haute vois s'escrie:« Secourez moi, dame sainte Marie! »Et le paien li dist : « Suer, douce amie,11685 aquoisiez vous et si ne plorez mie:vous n'avrez garde de mort a ceste fiese voulez fere la moie conmandie.Je vous prendrai a la loy paienie,si vous menrai ou serez bien servie,11690 dame serez de moult grant seigneuriede deus royaumes qui sont en ma baillie. »Ydoine l'ot si ne set qu'ele die,seule se voit et moult fu esloigniede sa mestre et de sa compaignie.CDXXXV11695 La damoisele se va moult démentantet de bon cuer va Jhesu reclamant.Et le paien s'en va esperonant,Ydoine emporte desus son auferrant;en un bois entre moult haut et verdoiant