U S M F L Pubblicazioni della Facoltà di Lettere e ... - Studi umanistici

CCLXIXEn tour Baudune ot grant asemblement,assez y ot venu païenne gentpor Maillefer et Bertran son parent6905 c'om doit occire et destruire a forment.Devant Butor el plus haut mandementsont amenez li baron en présent,chescun reclaime le roy omnipotentqu'il les sequeure si li vient a talent.6910 « Diex, dist Bertran, qui es el firmament,soissante anz a et plus, mien escient,que chevalier fui de premier jouvent,puis ne passa mois entier seulementne fusse en guerre envers paienne gent.6915 Or voi ge bien, selonc mon escient,que de mon cors feront a leur talent.Jhesu ait l'ame par son digne conmant.De Maillefer ai le cuer moult dolent:s'ainsi veut diex que soit son finement6920 crestïente déclinera forment. » f. 92 r_bQuant Butor l'oit grant joie au cuer l'en prent.CCLXXQuant Butor voit Maillefer devant lui,moult le voit maigre et taint et empali;il l'apela oiant maint arrabbi,6925 si li demande por quoi tant rassotiqu'il a lessie Mahom et déguerpi.« Maillefer frère, dist Butor, ge t'asfi:se tu vouloies nos diex crier merciet renoier celui qu'as tant servi6930 tout mon païs te partirai parmi.A Morimont en irons sanz detri,en petit d'eure seront françois honni,a Saint Denis seront nos diex servi;quant tout arons et conquis et saisi6935 l'une moitié volentiers t'en otri.Se ce ne fez que j'ai devise cia grant tourment mourra le cors de ti. n