U S M F L Pubblicazioni della Facoltà di Lettere e ... - Studi umanistici

12800 li fosse large et basse la terrée;moult y avoit biau lieu et bele entrée.Li paien iert en la sale pavéequi la pucele ot em prison getee:au matinet l'ot devant lui mandée,12805 parler voudra a li en recelée,savoir se ja se seroit apensee.CDLXXIXLe sarrazin fu moult desmesurez;roy Salabrun, ainsi fu apelez,au matinet quant il se fu levez12810 a son chartrier a dit : « Avant venez;amenez moi cele que vous tenezf. 125 v ~ bque par folie a nos diex adossez.S'ele ne fet touz nos bons et nos grezson cors sera a douleur tormentez. »12815 Celui la maine qui fel iert et cruez.Roy Salabrun li dist : « Avant passez,garce mauvese, mauves conseill avez:a un bastart c'on ne set dont est nezest ore si du tout vo cuer donez.12820 Se voulez fere ce que dire m'orrezqu'a Mahomet soit vo cuer retournezje vous prendrai, s'iere vos avouez;de trois royaumes iert vo chief coronnez.Se ce ne fêtes a douleur languirez. »12825 « Glouz, dist Ydoine, ja a ce ne venrez;ja de mon cors voz volçntez n'avrez.Mieus aim mourir a duel et a viltezque Jhesu Crist soit par moi adossez. »Dist Salabrun: « Et vous le conperrez. »12830 Deus sers apele de mal fere aprestez.« Or tost, dist il, cele foie prenez,de grans vrejanz devant moi la bâteztant que li sanc li queure des costez.En la grant chartre après la regetez. »12835 Et cils respondent: « Si con vous conmandez. »Ydoine prenent environ et en lez,fors la chemise li ont les dras ostez,