U S M F L Pubblicazioni della Facoltà di Lettere e ... - Studi umanistici

DXVIRenier li preuz a la chiere hardiea conquestee la grant sale voultie,13775 n'i a paien qui de riens le desdie.De chambre en chambre a la grant tour cerchie,Brunamon troeve qui la barbe ot fleurie;cil estoit pere Ydoine l'eschevie.Renier le voit hautement li escrie :f. 131 r_b13780 « Amirant sire, pour dieu le filz Marie,guerpis Mahom qui ne vaut une alye.Si croi en dieu qui tant a seigneurie,le roy de gloire qui tout a en baillie,tout pour vo fille qui bien est enseignie13785 serez tensez de mort a ceste fie.Et ge meismes, ne vous eh doutez mie,vous servirai touz les jours de ma vie.Prenez créance en dieu le filz Marie,se ce ne fêtes le mien cors vous desfie. »13790 Brunamon l'ot, de mautalent rougie;dist a Renier : « Or oy plet de sotie.Ja por ma fille ne ferai tel folie.Miex ameroie qu'ele fust escorchie. »Et dist Renier: « Mar l'avez blastengie. »13795 As braz l'aert, durement le manie;lors se pourpense qu'il ne l'occira mie,déporte iert pour l'amour de s'amie;miex aime assez que un autre l'occie.Lors li deslace le hiaume de Pavie13800 et en après li devest la cuirieet la grant broigne li a du dos sachie.DXVIIQuant Renier ot la grant tour conquesteeet de paiens vuidie et délivréeBrunamon prist a la teste meslee,13805 si li osta sa grant broigne saffree;et Maillefer et sa gent fer arméequi sont montez en la sale pavéeRenier trouvèrent, s'ont grant joie menée.