U S M F L Pubblicazioni della Facoltà di Lettere e ... - Studi umanistici

19000 bien set païens ni porront durer mie.Lors dévala de la grant tour antie,le roy Grandoce apela, si li prie:« Sire, fet il, or ne vous targiez mie,fêtes vo gent soit moult tost fer vestie,19005 maugre françois et l'ost qui est logievous cuit je bien mener a garandie.Se demourons jusqu'à demain complie,mien escient, nus n'en portera vie.Maillefer est plain de grant felonnie,19010 s'il nous puet prendre n'i avra qui s'en rie,touz nous fera mourir a grant haschiepour ce qu'avons Bertran tolu la vie. »DCCXIIDist Piecolet qui maint mal a basti: f. 161 r "« Grandoce sire, entendez envers mi:19015 fêtes vos homes soient tost fer vesti,bien vous menrai ou serez garanti:par la posterne vers le bruillet fuelli,istrons la hors sanz fere hus ne cri.Un chemin bas y a vieill et anti,19020 par la irons quoiement et tapi,ja n'i serons de nul françois choisi;et se nous sonmes de françois poursiviau bois plessie en irons sanz detri;la trouverons maint bon chalan garni,19025 nés et galyes, ge l'ai mande ainsi,enz enterrons si serons garandi,en Cypre irons le païs enforci.La maint vostre oncle, bien serons conjoi. »Et dist Grandoce « Mieudre conseill n'oi. »19030 Lors fîst ses homes touz venir devant lui,puis leur conmande que tost soient garni:et il si furent, n'i ont fet lonc detri.Le grant avoir n'ont pas mis en oubli,trousse en ont main mul et maint ronci.19035 Et nos françois ne sont pas endormi:19003 tagier